Նրա երգերի ներքո շատերն են սիրահարվել, շատերը միմյանց սեր են խոստովանել, ոմանք էլ` հուզվել եւ երազել այնտեղ երգվող սիրո մասին: Իսկ ի՞նչ է կատարվում նրա` երգչի հոգում: ինչպիսի՞ն է եղել նրա առաջին սերը, խենթ սիրո խոստովանությունն ու մեծ հիասթափությունը:
Այս ամենի մասին Անդրեն բացառիկ զրույց է ունեցել NEWS.am STYLE-ի հետ:
«5-6 տարեկան էի: Նա իմ խմբակից էր` սպիտակամաշկ, կապուտաչյա գեղեցկուհի: Անունը, եթե չեմ սխալվում, Բելլա էր: Շատ էր նման Սպիտակաձյունիկին, եւ հենց դրանով էլ ինձ գրավեց: Այդ տարիներին աղջիկների մեծամասնությունը բացիկներ եւ արտասահմանյան օծանելիքի բույրով օճառներ էին հավաքում: Ես էլ մեր տան բոլոր բացիկներն ու օճառները հերթով տարել եւ նվիրել եմ իմ սիրելիին: Քանի որ տատիկս ուսուցչուհի էր, նա բազում բացիկներ ուներ: Մեկ օրում այդ ամենն անհետացավ:) Հետաքրքիր է, բայց 5 տարեկանում առանց վախի նման քայլի գնացի»,-ասում է երգիչը, որն այս քայլի համար խիստ ծնողների կողմից պատժի է արժանացել:
Նրա առաջին սիրո խոստովանությունն էլ, բավականին, տարօրինակ է եղել.
«4-րդ դասարան էի, եւ քանի որ շատ ակտիվ պիոներ էի, ունեի իմ թիմը, որոնց հետ միասին օգնում էինք մեծահասակ մարդկանց: Ինձ նրանց հասցեներն էին տալիս եւ մենք նրանց համար գնում էինք դեղորայք, պետական պարագաներ եւ սնունդ: Իսկ իմ խմբում ես ընդգրկում էի մեր դասարանի միայն ամենագեղեցիկ աղջիկներին, որոնք իմ դուրը գալիս էին: Օրերից մի օր ես առաջարկություն արեցի իմ հավանած աղջիկներից միանգամից 2-ին: Մեկից ստացա ապտակ, մյուսից` դրական պատասխան»:)
Սա, իհարկե, մանկական գեղեցիկ սիրո մաասին, իսկ հասուն սերը երբեմն ավելի ցավոտ է լինում, քան դպրոցական տարիներին ստացած ապտակը.
«Առաջին եւ վերջին հիասթափությունս եղել է այն, երբ ընտրյալիս հետ հերթական տարաձայնությունից հետո փորձեցի վերականգնել մեր հարաբերությունները, բայց տեղեկացա, որ նա շատ կարճ ժամանակահատվածում արդեն հասցրել էր նշանվել մեկ այլ երիտասարդի հետ: Այդպիսով, հետ կանգնեցի ցանկությունիցս եւ սպանեցի այդ սերն իմ սրտում»:
Ըստ երգչի` ինքն ավելի շուտ սիրահարվող անձնավորություն է.
«Կարծում եմ` սեր դեռ չեմ վերապրել` միայն իմ երգերում: Դրանց միջոցով եմ պատմում եւ զգում այդ մեծ եւ իրական սերը, որը նաեւ հասնում է իմ լսարանին: Ինձ ժողովուրդն է հենց կոչել «Սիրո երգիչ», ինչի համար անչափ զգացված եմ»:
Շատերի համար Անդրեն է անհասանելի, սակայն պարզվում է` եղել են դեպքեր, երբ սերն Անդրեի համար է եղել անհասանելի.
«Կարծում եմ` բոլորիս կյանքում էլ եղել է նման սեր, երբ քո մտքերն ամբողջությամբ նրա մասին են, իսկ նա քեզ, նույնիսկ, չի ճանաչում…Միգուցե, ես էլ եմ այդպիսի մի սեր բազում սրտերի համար…»:
Սյունե Առաքելյան
Լուսանկարները` Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից