• Do good. Բրյունետը ելույթ ունեցավ Եվրատեսիլ 2023 երգի մրցույթի կիսաեզրափակչում

  Երգչուհին դուրս եկավ բեմ եւ կատարեց իր «Future lover» երգը․․.

• «Ոճերի մենամարտ». Brunett vs Իրու Խեչանովայի

  Առաջին հայացքից «Եվրատեսիլ 2023»-ի երկու մասնակիցների ոճերն առանձնապես չեն տարբերվում․․․

• «Եվրատեսիլ 2023»-ին Հայաստանը կներկայացնի Brunette-ը

  Ես այնքան հպարտ եմ, որ մենք եւս մեկ անգամ կարող ենք աշխարհին ցուցադրել անհավատալի երիտասարդ տաղանդներ...

• Մեծ Բրիտանիայի յոթ քաղաքներ «կմրցեն» «Եվրատեսիլ»-ն ընդունելու իրավունքի համար

  2023 թվականին մրցույթը կանցկացվի Բրիտանիայում՝ անվտանգության նկատառումներից ելնելով․․․

• Պրիգոժինը «Եվրատեսիլի» անցկացման վայրի տեղափոխումն անվանել է «ծաղր ուկրաինացիների նկատմամբ»

  Եվրատեսիլն անվանել է անցյալի մասունք...

• Ռումինիան մտադիր է դատական հայց ներկայացնել «Եվրատեսիլի» կազմակերպիչների դեմ

  Երկիրը մրցույթի կազմակերպիչներին մեղադրել է հանուն Ուկրաինայի հաղթանակի գնահատականները նենգափոխելու համար․․․

• Անհարմար իրավիճակ Եվրատեսիլում. Վրաստանը չի տվել ամենաբարձր միավորը Մեծ Բրիտանիային

  Եվրատեսիլի շուրջ կրքերը չեն հանդարտվում․․․

• Ֆիլիպ Կիրկորովին թույլ չեն տվել մուտք գործել «Եվրատեսիլի» VIP զոնա

  Արտիստն ասել էր, որ կազմակերպիչներն անձամբ հրավիրել են իրեն․․․

«Եվրատեսիլը» համաեվրոպական երգի մրցույթ է, որն իր շուրջ համախմբում է ոչ միայն տարբեր երկրներից ժամանած մասնակիցներին եւ երկրպագուներին, այլեւ միջազգային մամուլի ներկայացուցիչներին։ Բրիտանակամ The Guardian-ի թղթակից Բելլա Քվիսթը եվրատեսիլյան մամուլի կենտրոնի ամենաակտիվ լրագրողներից էր։

Քանի որ մրցույթի ավարտից հետո դեռեւս չեն դադարում «Եվրատեսիլի» եւ դրա հաղթողի մասին զանազան քննարկումներն ու բողոքները, մենք եւս Բելլայի հետ վերհիշեցինք «Եվրատեսիլն» ու դրա հետ կապված ամենաքննարկվող թեմաները.

«Ինչ վերաբերում է կազմակերպչական աշխատանքներին՝ կարծում եմ՝ «Եվրատեսիլ 2016»-ը հրաշալի էր կազմակերպված։ Բոլորս շատ արագ եւ արդյունավետ էինք աշխատում։ Շնորհակալ եմ կամավորներին, որոնք շատ էին մեզ օգնում՚»,-ասում է Բելլան, որը պնդում է՝ հաղթող Ջամալայի երգն իրեն ոչ պակաս է հետաքրքրել.

«Ջամալայի երգը հիասքանչ էր, նա էլ հիանալի էր կատարում այն։ Երբ փորձի ժամանակ հետեւում էի ելույթին համերգասրահից, աչքերիս արցունքներ հայտնվեցին։ Նա այդ գեղեցիկ երգի միջոցով պատմեց իր պատմությունը եւ կարծում եմ՝ արժանի էր հաղթանակի։ Բացի դա՝ այդ հաղթանակն այնքան կարեւոր էր ուկրաինացիների համար. դա տեսնելն, իրոք, հուզիչ էր։ Առհասարակ, կարծում եմ՝ այս տարի բավականին շատ հիթային երգեր կային եւ Ուկրաինայի երգը միակը չէր, որը լսել եմ թե «Եվրատեսիլից» առաջ, թե հետո։ Ինձ, օրինակ, շատ են դուր եկել նաեւ Իսրայելի, Իտալիայի, Իսպանիայի, Ռուսաստանի, Բուլղարիայի, Շվեդիայի եւ, իհարկե, Մեծ Բրիտանիայի ներկայացրած երգերը»։

Լրագրողը կարծում է,  որ «Եվրատեսիլը»  չպետք է կապ ունենա քաղաքականության հետ, սակայն ըստ նրա՝ մեր կյանքում ամեն ինչն է կապված դրա հետ.

«Երաժշտությունն էլ մի միջոց է արտահայտվելու եւ մյուս կողմից՝ նույնիսկ հետաքրքիր է տեսնել, թե ինչ հաղորդագրություն են ցանկանում տարածել երկրներն իրենց երգերի միջոցով։ Մարդիկ միշտ էլ բողոքում են որոշ երկրների քաղաքական ենթատեքստ ունեցող երգերի պատճառով, բայց չէ՞որ ամեն տարի նման թեմայով երգը հաղթող չի ճանաչվում։ Այնպես որ՝ չեմ կարծում, թե արդար է ասել, որ հաղթանակը պայմանավորված է լինում միայն քաղաքականությամբ»։

Այդուհանդերձ, Բելլան չի ժխտում, որ այս տարվա հաղթող երգն էլ ուներ քաղաքական ենթատեքստ.

«Այո, իհարկե կարող ենք պնդել, որ Ուկրաինայի երգը քաղաքական ենթատեսքտ ուներ, սակայն ԵՀՄ-ն որոշեց, որ այդ երգը կարող է մրցել մյուս երգերի կողքին, քանի որ այսօրինակ ստեղծագործությունը նորություն չէ «Եվրատեսիլում»։ Ես կարծում եմ, որ հենց երգն է հաղթել, ոչ թե դրա քաղաքական ենթատեքստը»։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում