2014-ի մայիսի 24-ին ամբողջ աշխարհի ուշադրության կենտրոնում Ֆլորենցիան էր։ Հենց այստեղ էր տեղի ունենում հանրահայտ հեռուստաաստղ Քիմ Քարդաշյանի եւ 21 Գրեմմիի արժանացած ռեփեր Քանյե Ուեսթի հարսանեկան արարողությունը։
Այսօր աշխարհի ամենահայտնի, ամենաքննարկված զույգերից մեկը նշում է ամուսնության 2-ամյակը։ Եվ չնայած ընդամենը երկու տարի է անցել՝ նրանք արդեն ունեն կայացած ընտանիք, որն իր ծնունդով ամբողջական դարձրեց 5.5 ամսական Սեյնթը։
Սակայն Քիմն ու Քանյեն բացի ճանաչված լինելուց, համարվում են ամենաերջանիկ զույգերից մեկը (ինչն իսկապես ակնհայտ է)։ Եվ այսօր գեղեցկուհի հայուհին Twitter-ում շնորհավորել է իրեն եւ սիրող ամուսնուն այս կարեւոր օրվա առթիվ։
«Շնորհավոր մեր 2-ամյակը, իմ կյանքի սեր։ Դու ինձ այնպես ես երջանկացրել։ Ես քեզ շատ եմ սիրում»։
«Այս մատանին պայծառ շողում է մեր սիրո համար։ Նշում ենք մեր 2-ամյակը Իտալիայում. երկիր, որտեղ մենք ամուսնացանք»։
Քիմի եւ Քանյեի սիրո պատմությունը սկսվել է դեռ 2013-ից, երբ հենց հայուհու ծննդյան օրը՝ հոկտեմբերի 21-ին, ռեփերը պաշտոնապես ամուսնության ռոմանտիկ առաջարկություն արեց՝ նվիրելով Lorraine Schwartz ոսկերչական ապրանքանիշի 15 կարատանոց ոսկե մատանի։
Հատուկ նշանադրության համար Քանյեն Սան Ֆրանցիսկոյի բեյսբոլի մարզադաշտ էր վարձել՝ հրավիրելով միայն ընտանիքի անդամներին եւ մտերիմ ընկերներին: Երբ սիմֆոնիկ նվագախումբը նվագել է Լանա Դել Ռեյի «Young and Beautiful» երգը, էկրանին հայտնվել է «Խնդրում եմ, ամուսնացիր ինձ հետ» (Pleeease, marry meee!) գրությունը: Հարսնացուի «այո»-ից հետո շքեղ հրավառություն է սկսվել:
Այնուհետեւ զույգ սկսեց նախահարսանեկան արարողության պատրաստությունները։ Քիմի եւ Քանյեի շքեղ նախահարսանիքը կազմակերպված էր Վերսալյան պալատում, որն ամբողջությամբ տրվել էր Քարդաշյան ընտանիքին:
Հյուրերին իր երգերով ուրախացրել էր Լանա դել Ռեյը , որը կատարել էր նաեւ իր հայտնի «Young And Beautiful» հիթը. հավանաբար, այն զույգի ամենասիրելի եւ նրանց սիրո համար խորհրդանշական դարձած երգն է։
Նախահարսանեկան երեկույթից հետո հյուրերը մեկնեցին Իտալիա՝ մասնակցելու հեքիաթային Ֆլորենցիայի Ֆորտե դի Բելվեդերե ամրոցում կազմակերպած հարսանեկան երեկույթին։ Քիմը, Քանյեն եւ այդ ժամանակ դեռեւս 11 ամսական դուստր Նորթը ներկայացել էին Givenchy ապրանքանիշի հագուստներով։
Օրվա գլխավոր հերոսներին շնորհավորելու էին եկել անվանի եւ պատվավոր հյուրեր, որոնց թվում էր նաեւ Անդրեա Բոչելին։ Իտալացի հայտնի տենորը Քանյեի եւ Քիմի համար մի շարք երգեր էր կատարել, այդ թվում՝ Con te Partiro-ն: Զույգը պարել էր նաեւ Ջոն Լեջենդի երգերի ներքո, որը նույնպես հյուրերի ցանկում էր։
2014-ին մայիսի 24-ին հաջորդած մի քանի ամիսների թիվ 1 քննարկման թեման դարձած Քիմ Քարդաշյան-Քանյե Ուեսթ զույգը մեկնեց Իռլանդիա՝ վայելելու իրենց մեղրամիսը։ Բնականաբար զույգը վարձել էր բարձրակարգ Castlemartyr Resort հյուրանոցի նախագահական լյուքսն ու եւս 10 սենյակ։
Ավելացնենք, որ չնայած շոու-բիզնեսում հայտնի ամուսինների միությունը հաճախ այնքան էլ երկար չի տեւում՝ բնականաբար լինում են նաեւ հարատեւ երջանիկ զույգեր։ Եվ հուսով ենք, որ Քիմն ու Քանյեն հենց այդպիսի օրինակ կլինեն իրենց երկրպագուների համար։
Պատրաստեց՝ Յանա
Հետևեք NEWS.am STYLE-ին Facebook-ում, Twitter-ում և Instagram-ում
23:39, 18 ապրիլի
Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից