• Ավստրալացի կինը 65 տարեկանում այնքան ցնցող տեսք ունի, որ նրան եւ իր թոռնուհուն հաճախ քույրերի տեղ են դնում

  Ավստրալուհին 65 տարեկանում այնքան ցնցող տեսք ունի, որ նրան եւ իր թոռնուհուն հաճախ քույրերի տեղ են դնում․․․

• Աշխարհում սերմնահեղուկի ամենամեծ բանկը, որտեղ ամսական կարող եք վաստակել 420 ֆունտ, կենտրոն է բացել Մեծ Բրիտանիայում

  Cryos International-ը աշխարհում սերմի եւ ձվաբջիջների ամենամեծ բանկն է, որն առաջարկում է առաքում ավելի քան 100 երկիր, եւ այն ընտրել է Մանչեսթերը՝ որպես Մեծ Բրիտանիայում իր առաջին գրասենյակի վայր․․․

• Լռությունը ոսկի է. «Խոսքի ծոմապահությունը» օգտակար է առողջությանը

  Շոտլանդացի երգչուհի Լուլուն «խոսքի ծոմապահություն» է կիրառում՝ մինչեւ կեսօր ամբողջովին լուռ է մնում…

• Սեքսը կօգնի նիհարել

  Եթե ​​ցանկանում եք ֆիզիկապես ավելի ակտիվ լինել ձեր առօրյա կյանքում, բայց չափազանց ծույլ եք մարզասրահ հաճախելու համար, ապա սեքսը կարող է լինել կատարյալ լուծում․․․

• Հնարավո՞ր է շտկել «անհաջող բոտոքսի» հետեւանքները

  Ոչ վիրաբուժական կոսմետիկ ընթացակարգերը վերջին տարիներին մեծ ժողովրդականություն են վայելում․․․

• Ինչո՞ւ որոշ հայտնի դիետաներ չեն աշխատում

  Ամերիկացի սննդաբան Ջոյս Պատերսոնը դիետիկ որոշ միտումներ հորինված է համարում...

• Ակտիվ եւ հաճախակի սեքսը հիվանդությունների կանխարգելման բանալին է

  Օրգազմը լավ է առողջության համար։ Մոռացեք դեղերի մասին․ ակտիվ եւ հաճախակի սեքսը կարող է լինել հիվանդությունների կանխարգելման բանալին...

• «Հրաշք ըմպելիք» նիհարելու համար՝ ընդամենը երկու հասանելի բաղադրիչներով

  Այուրվեդիկ ըմպելիքը, որը պատրաստված է քրքումից եւ կոճապղպեղից, կօգնի նիհարելուն․․․

Խթանում ենք
Նյարդային համակարգի անխափան աշխատանքի, ուշադրության բարձր կենտրոնացման, ընդհանուր հոգեկան վիճակի բարելավման համար մեզ ահրաժեշտ են В խմբի վիտամիններ: Դրանց բարենպաստ ազդեցությունը մտածողական գործընթացների վրա այնքան մեծ է, որ ուղեղի համար անհրաժեշտ այդ սննդանյութերն ըստ արժանվույն կոչում են «ստեղծագործական վիտամիններ»: Նկատել են, որ ներշնչանքն առավել հաճախ այցելում է նրանց, ովքեր բավարար քանակությամբ В խմբի վիտամիններ են ստանում:

Ինչի մեջ են պարունակվում դրանք: Ամենից շատ լոբազգիներում, որոնք ի վիճակի են բարելավել ուղեղի գործառույթները: «Ստեղծագործական վիտամինները» շատ են վարսակում. դա եւ հակադեպրեսանտ է, եւ անքնության դեմ հրաշալի միջոց: Չարժե մոռանալ նաեւ այնպիսի օգտակար նյութերի մասին, ինչպիսիք են հունական ընկույզը, հատիկավորները, կանաչ բանջարեղենը, լյարդը, միսը, կաթնամթերքը եւ ձվի դեղնուցը:

Բարելավում ենք հիշողությունը

Որպեսզի հիշողությունն անխափան աշխատի, կանոնավոր մարզումներից բացի, անհրաժեշտ է ուղեղի կանոնավոր սնուցում ապահովել: Հիշողության բարելավման համար մեզ անհրաժեշտ է. ջուր, ամինաթթուներ, ածխաջրեր եւ օգտակար ճարպեր:
Ջուրը կյանքի աղբյուր է: Դրա պակասի դեպքում ուղեղն ասես «չորանում է»` հիշողության խափանումներ առաջացնելով: Ձեզ սովորեցրեք ամբողջ օրվա ընթացքում մաքուր ջուր խմել` փոքրիկ կումերով եւ շուտով կզգաք, որ սկսել եք ավելի լավ եւ ավելի շատ բան մտապահել:

Ամինաթթուները նյութեր են, որոնցից կազմված են սպիտակուցները: Դրանք օգնում են մտապահման գործընթացին եւ ուղեղի աշխատանքն ակտիվացնող որոշակի հորմոնների արտադրությանը: Ամենից շատ ամինաթթուներ, հատկապես` անփոխարինելի, պարունակվում են կենդանական ծագմամբ սննդում. ոչ ճարպոտ մսում, կաթնամթերքում, ձկում եւ ձվերում: Այդ պատճառով այն մարդկանց, ովքեր բուսակերական սննդակարգի են հետեւում եւ ցանկանում են հիշողության գործառույթը բարձր մակարդակում պահել, անհրաժեշտ է ամինաթթուներ ստանալ պարկուճների եւ հաբերի տեսքով:

Ածխաջրերն ուղեղի էներգետիկ սնուցում են, որը նպաստում է հիշողության բարելավմանը: Ամենաօգտակար ածխաջրային մթերքներ կարելի է համարել բնական մեղրը, հնդկացորենը, վարսակը, կարտոֆիլը, սոյան, ցորենի կարծր տեսակներից մակարոնեղենը, բանանը, դեղձը, տանձը:
Օգտակար ճարպեր. դրանց թվին կարելի է դասել կիսաչհագեցած ճարպաթթուները: Դրանք օգնում են ազդակներ փոխանցել, որոնք ուղեղի մի բջջից մյուսին ազդանշան են տանում: Որքան ավելի արագ են փոխանցվում ազդակները, այնքան ավելի լավ է ընթանում մտապահումը եւ անհրաժեշտության դեպքում այնքան ավելի լավ հնարավոր կլինի գտնել անհրաժեշտ տեղեկությունները: Օգտակար ճարպերի աղբյուր են համարվում ձկների ճարպերը եւ բուսական յուղերը:

Պարզեցնում ենք միտքը

Մեր ուղեղը «մշուշվում է» եւ ծերանում է նրանից, որ նրա բջիջներն աստիճանաբար վնասվում են ազատ ռադիկալների կողմից: Այդ ագրեսիվ թթվեցնողները բացասաբար են ազդում օրգանիզմում շատ գործընթացների վրա, այդ թվում նաեւ նվազեցնում են մտավոր կարողությունները: Ազատ ռադիկալներին կարող են հակազդել հակաօքսիդանտները, որոնցից հզորագույնները հանդիսանում են С եւ Е վիտամինները:

Ինչում են պարունակվում: Հակաօքսիդանտ վիտամիններով հարուստ են թարմ բանջարեղենը եւ մրգերը: Վիտամին Е պարունակող ամենաօգտակար մթերքներ կարելի է կոչել ավոկադոյի պտուղները, նուշը, դդմի եւ վուշի կորիզները, կանաչ հազարը, ինչպես նաեւ չռաֆինացված բուսական յուղի շատ տեսակներ, օրինակ` սոյայի, արեւածաղկի, քնջութի եւ այլն: Այդ մթերքներից կարելի է հրաշալի աղցան պատրաստել, դրա վրա ըստ հերթականության տարբեր բուսայուղեր լցնելով, եւ ուտել թեկուզ ամեն օր: Դրան կարելի է նաեւ այնպիսի մթերքներ հավելել, որոնց կազմի մեջ է մտնում С վիտամինը. սեւ հապալաս, կիվի, ցիտրուսայիններ, բրոկկոլի, բուլղարական կարմիր պղպեղ, թթու խնձոր, լոլիկ:

Մեծացնում ենք ինտելեկտը

Ուղեղի գործունեության բարելավման համար անհրաժեշտ են հետեւյալ սննդանյութերը` մագնիում, ցինկ, երկաթ, ֆոսֆոր եւ յոդ: Մագնիումն օգնում է հաղթահարել սթրեսը, բարելավում է արյան շրջանառությունը, խթանում է մտավոր գործունեությունը: Ցինկը բարենպաստ ազդեցություն է գործում ուշադրությունը կենտրոնացնելու վրա: Երկաթն ուղեղին թթվածին է մատակարարում: Ֆոսֆորը ուղեղի բջիջներին էներգիա է տալիս: Յոդի դերն ուղեղի սնուցման համար ընդհանրապես դժվար է գերագնահատել: Դրա պակասի դեպքում երեխաները վատ են զարգանում եւ մտավոր, եւ ֆիզիկական առումով, հետագայում դա կարող է թուլամտության հանգեցնել:

Այդ պատճառով, եթե դուք ուզում եք բարձրացնել ձեր ինտելեկտը, ձեզ ապահովեք յոդ պարունակող մթերքներով:

Ինչում է պարունակվում: Մագնիում կարելի է ստանալ, սննդի մեջ ներառելով տարբեր ընկույզներ, սերմեր, հացահատիկային թեփ, բակլայազգիներ, բնական կակաոյի փոշի, բանան: Ցինկի աղբյուր կարող են ծառայել ոստրեները, միդիաները, մսի գործնականում բոլոր տեսակները, պանիրը, ընկույզը եւ հատիկավորները: Երկաթով հարուստ են լյարդը, ծովային կակղամորթները, բազուկը, չրերը, խնձորները, նուռը: Շատ ֆոսֆոր է պարունակվում պանրում, կաթում, ծովամթերքում, թառափային ձկների ձկնկիթում, հավի եւ տավարի մսում: Օրգանիզմի յոդի պակասը լրացնելուն կօգնեն ծովային ջրիմուռները, ծովամթերքը, որոշ մրգեր եւ բանջարեղեններ, որոնք աճեցվել են ծովերի եւ օվկիանոսների առափնյա հատվածում:

Աղբյուրը` Otvetnavse.com

Հետևեք NEWS.am STYLE-ին Facebook-ում, Twitter-ում և Instagram-ում