• Սեքսը կօգնի նիհարել

  Եթե ​​ցանկանում եք ֆիզիկապես ավելի ակտիվ լինել ձեր առօրյա կյանքում, բայց չափազանց ծույլ եք մարզասրահ հաճախելու համար, ապա սեքսը կարող է լինել կատարյալ լուծում․․․

• Փոքր փորով տղամարդիկ սիրված են կանանց կողմից

  Փոքր փորով տղամարդիկ սիրված են կանանց կողմից: Մաչոները, ովքեր ունեն «dad bod» կազմվածք, ինչպես Թեյլոր Սվիֆթի ներկայիս բոյֆրենդ՝ Թրևիս Քելսին, ավելի հաճախ և հաջողակ են գրավում կանանց սրտերը՝ համեմատած իրենց հասակակիցների հետ՝ սլացիկ կազմվածքով և պռեսով...

• Որքա՞ն պետք է տևի իդեալական համբույրը

  Ըստ Gottman Institute-ի՝ սեքսի, հարաբերությունների և ընտանիքների վերաբերյալ առաջատար հետազոտական, ուսուցողական և խորհրդատվական մարմնի՝ ավելի երկար համբուրվելը կարող է հանգեցնել ավելի մեծ կապի ձեր զուգընկերոջ հետ...

• Մայրն օգնել է դստերը ընկեր ունենալ. գաղտնիքը թխվածքաբլիթների մեջ է

  Սերը օդում է, եւ այն թխվածքաբլիթի հոտ ունի…

• Օրգազմը նպաստում է սեռական զուգընկերների միջեւ երկարատեւ կապի հաստատմանը

  Օրգազմը միայն հաճույքի կամ բազմացման համար չէ: Օրգազմը նպաստում է սեռական զուգընկերների միջեւ երկարատեւ կապի հաստատմանը․․․

• Տղամարդիկ ամուսնությունից հետո ավելի շատ քաշ են հավաքում, քան կանայք

  Տղամարդիկ ամուսնությունից հետո ավելի շատ քաշ են հավաքում, քան կանայք․․․

• Ինչպե՞ս է տղամարդու փորն ազդում սեքսի որակի վրա

  30 տարեկանից հետո տղամարդու օրգանիզմում տեստոստերոնի մակարդակը սկսում է նվազել․․․

• Ակտիվ եւ հաճախակի սեքսը հիվանդությունների կանխարգելման բանալին է

  Օրգազմը լավ է առողջության համար։ Մոռացեք դեղերի մասին․ ակտիվ եւ հաճախակի սեքսը կարող է լինել հիվանդությունների կանխարգելման բանալին...

Կենցաղը հարաբերություններում. ինչպե՞ս խուսափել

Անցնում է զգացմունքների առաջին ալիքը ու առաջին պլան են դուրս գալիս կենցաղային խնդիրները։ Եվ հենց այստեղ է թաքնված ամբողջ վտանգը։ Չէ՞ որ ամուսիններից յուրաքանչյուրն իր կարծիքն ունի այն մասին, թե ով ու ինչպես պետք է անի տան գործերը։ Շատ ընտանեկան զույգերի կյանքում կենցաղային պարտականությունների պատճառով սկանդալներն ու վեճերը նորություն չեն։ Ի՞նչպես խուսափել նման իրավիճակներից։ Ինչպե՞ս անել, որ կենցաղային խնդիրները գլխավորը չդառնան ու չմթագնեն զգացմունքները։

Պարտականությունները պետք է ու կարելի է կիսել

Բայց թե ինչպես է պետք դա անել՝ արդեն այլ հարց է։ Հասկանալի է, որ եթե կինը չի աշխատում, ապա ամբողջ տնային տնտեսությունը նրա ուսերին է։ Հրաշալի է, եթե կան էլեկտրական օգնականներ՝ սպասք լվանալու մեքենա, լվացքի մեքենա, փոշեկուլ։ Բայց նույնիսկ նման հզոր տեխնիկական օժանդակության դեպքում տնային հոգսերը շատ ժամանակ եւ ուժ են խլում։ Ավաղ, տղամարդիկ երբեք չեն կարող հասկանալ դա։ Գալով տուն աշխատանքից, հագնելով մաքուր շորեր, հարմար տեղավորվելով բազմոցին՝ ամուսինը, նայելով հանգստացող կնոջը, զարմանքով հարցնում է «Իսկ դո՛ւ ինչի՞ց ես այդքան հոգնում։ Դո՛ւ ի՞նչ ես արել»։ Դե ինչ, ծանո՞թ իրավիճակ է։ Իսկ եթե հենց սկզբից բաժանեք տնային պարտականությունները, ապա նման անհեթեթ իրավիճակից հնարավոր կլինի խուսափել։

Թող կնոջ պարտականությունները լինեն տան գլոբալ մաքրությունը, լվացքն ու ուտելիք պատրաստելը։ Դե իսկ ամուսնու պարտականությունները՝ աղբը թափելը, որոշ գնումներ, փոշեկուլով տունը մաքրելը։

Դա ամենեւին չի նվաստացնում տղամարդու արժանապատվությունը, այլ հակառակը՝ բարձրացնում է այն կանանց աչքերում։

Ինչպես պարտականությունների մի մասը փոխանցել ամուսնուն։

Ինչպե՞ս վարվել այն դեպքում, եթե եւ կինը, եւ ամուսինն աշխատում են։ Ամուսնու վարքագիծը գրեթե չի փոխվում (տես վերեւում), իսկ կինը ստիպված է աշխատանքից բացի նաեւ տան գործերն անել։ Եվ այսպես կշարունակվի այնքան ժամանակ, քանի դեռ կին չի հոգնի ու նրա համբերության բաժակը չի լցվի։ Բայց ավելի լավ է դրան չհասցնել ու ամուսնու հետ լուրջ խոսակցություն սկսել։

Բացատրեք նրան, որ աշխատում եք ու հոգնում եք նույնքան որքան նա, որ տնային պարտականությունները նույնքան հոգնեցուցիչ են, որքան աշխատանքը, ու որ անհրաժեշտ է կիսել դրանք։

Սկզբում, իհարկե, ամուսնուն առաջարկեք կատարել ընդամենը մի քանի, ոչ այդքան ծանր պարտականություններ՝ ամաններ լվանալ, փոշեկուլով տունը մաքրել, որոշ գնումներ կատարել։ Դե իսկ որոշ ժամանակ հետո կարող եք նրան վստահել նաեւ ճաշի պատրաստումը, սենյակը հավաքելը եւ այլն

Ճիշտ մոտեցման դեպքում, եթե դուք գտնեք անհրաժեշտ բառեր ու կարողանաք հասկացնել ձեր ամուսնուն ձեր մտահոգությունները, ապա տան հոգսերը հնարավոր կլինի կիսել։

Բայց հիշեք ավելի լավ է դա անել համատեղ կյանքի հենց սկզբում։ Ելնելով փորձից՝ կարող ենք վստահաբար ասել, որ մի քանի տարվա համատեղ կյանքից հետո պարտականությունների մի մասը տղամարդկանց «նուրբ ուսերին» դնելը գործնականում անհնար է։ Նա արդեն սովորել է, որ վերնաշապիկն ու գուլպաները լվացված են, բազմոցի վրա ավելորդ իրեր չկան, իսկ ընթրիքն էլ սպասում է սեղանին։ Հսկայական քանակության նյարդեր, ուժեր ու համառություն կպահանջվի, որպեսզի հաղթահարեք ամուսնու դիմադրությունը եւ հասնեք նրան, որ տան պարտականությունները կիսվեն։

Աղբյուր՝ MyJane.ru

Հետևեք NEWS.am STYLE-ին Facebook-ում, Twitter-ում և Instagram-ում