Բաքվում Սոսո Պավլիաշվիլիի համերգի շուրջ սկանդալը նոր զարգացումներ է ստանում։ Սոսո Պավլիաշվիլին ընդգրկվել էր Ադրբեջանի ԱԳՆ սեւ ցուցակում այն բանից հետո, երբ այցելել էր Արցախ։ Սակայն, վերջերս Սոսոն դադարել էր պերսոնա նոն գրատա լինել, եւ 52-ամյա երգչին հրավիրել էին Բաքու։ Ադրբեջանի ժողովրդական արտիստ Ռամիզ Ֆաթալիեւը նամակ է գրել Սոսոյին՝ խնդրելով հրաժարվել Բաքվում բարեգործական համերգից եւ չգալ Ադրբեջան։ Ադրբեջանցի սցենարիստի կարծիքով Ղարաբաղյան հակամարտության ժամանակ Հայաստանում առաջիններից մեկը համերգ տված Սոսոն իրավունք չունի ելույթ ունենալ Բաքվում։
Life–ի հետ զրույցում երգիչը մեկնաբանել է ադրբեջանցի կինոգործչի հայտարարությունը։
Սոսոն բավականին հանգիստ է արձագանքել՝ նամակը համարելով անհայտ դրամատուրգի անձի նկատմամբ ուշադրություն հրավիրելու միջոց։ Պավլիաշվիլին հայտարարել է, որ իր համերգները քաղաքական բնույթի չեն։ Իսկ հայերի հետ բարեկամական հարաբերությունները չի փչացնի ոչ մի հակամարտություն։
«Դուք իմ համար մի՛ մտահոգվեք։ Դա անբանների գործն է՝ ասել այն, ինչ ուզում են։ Նրանց ոսկոր տվեք, կկրծեն։ Ամեն բան սկսվեց նրանից, որ 1980-ականների վերջին որոշ գարշելիներ, իսկ դրանք բոլոր ազգերում կան, դանակ վերցրին եւ սկսեցին մորթել կանանց եւ երեխաներին։ Կգնամ Բաքու, թե ոչ, ես դա դրամատուրգից չպիտի հարցնեմ, ես անգամ չգիտեմ, թե նա ով է։ Նա հիմա է հայտնի դարձել, ես նրան շնորհավորում եմ։ Թող գոնե մի շիշ կոնյակ ինձ նվիրի դրա համար։ Թող իմ համերգին էլ գա, ես հաճույքով կհրավիրեմ։ Ես խաղաղության մարդ եմ։ Ես մարդկանց հետ ընկերություն եմ արել եւ անելու եմ՝ անկախ նրանց ազգությունից եւ հավատից, նրանց արարքների համար։ Աստված ինձ չի ասել՝ ահա քեզ տաղանդ, մեկի համար երգիր, իսկ մյուսների համար՝ ոչ։ Իսկ եթե այդ գոռգոռացողներն ուզում են հետ բերել Ղարաբաղը, թող դիվերսիոն խմբեր ստեղծեն, գնան հետ բերեն։ Իսկ նրանք պառկել են բազմոցին, մտածում են, թե Սոսոն Բաքու կգա, թե ոչ։ Դրանից Ղարաբաղը հետ բերելը կախված չէ, փառք Աստծու։ Ես այն ոչ մեկից չեմ խլել, որպեսզի հետ բերեմ։ Որտեղ ինձ սպասում են, ես այնտեղ էլ կմեկնեմ երգելու։ Բաքվից ինձ անընդհատ զանգում են եւ ասում են՝ Սոսո մենք միշտ երգում ենք քո երգերը, շնորհակալություն, որ դու կաս։ Բաքուն քեզ սիրում է։ Ամեն մարդ իր կարծիքն հայտնելու իրավունք ունի։ Թող նա ասի, եթե ուզում է։ Ես երբեք ոչ մի պատերազմ չեմ հրահրել։ Եթե ինչ–որ մեկը վառել է այդ կրակը, ես ուզում եմ միայն մարել այն։ Ես հայերի հետ ընկերություն եմ անում, արել եմ եւ կանեմ՝ առանց ինչ-որ մեկին հարցնելու։ Ես անգամ ծնողներիցս արդեն վաղուց չեմ հարցնում, թե ում հետ ընկերություն անեմ եւ ինչպես ապրեմ։ Բաքվում շուտով մեծ բարեգործական համերգ կունենամ։ Ես հաճույքով հրավիրում եմ բոլորին։ Չեն ուզում գալ, ես նրանց երկար կյանք ու բարգավաճում եմ մաղթում»,– ասել է Պավլիաշվիլին։
Հետևեք NEWS.am STYLE-ին Facebook-ում, Twitter-ում և Instagram-ում
20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին11:00, 25 ապրիլի
«Սրտի վալետ». նոր հումորային սիթքոմի մանրամասները. BACKSTAGE