Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

Խորհուրդներ ավարտական երեկոյի համար. զգեստի ձեւ ենք ընտրում ըստ կազմվածքի (ֆոտո)

20:18, 22 ապրիլի

Ասում են՝ աղջիկը կարող է ամուսնանալ երկու եւ նույնիսկ երեք անգամ: Իսկ ահա ավարտական երեկոն նրա կյանքում միայն մեկ անգամ է լինելու: Այդ պատճառով այդ անմոռանալի իրադարձությանը պետք է պատրաստվել հիմնավորապես եւ ամենայն լրջությամբ: Նորաձեւության փորձագետ Անժելիկա Մանուկյանն ու NEWS.am STYLE-ը ավարտական երեկոյի համար զգեստի ընտրության գաղափարներ են առաջարկում: Հույս ունենք, որ կօգնենք աղջիկների այդ բարդ գործում, եւ յուրաքանչյուրը կկարողանա դառնալ պարահանդեսի թագուհին: Նախորդ անգամ մենք անդրադարձանք հենց ձեզ հարմար ոճի եւ կերպարի ընտրության թեմային:

Յուրաքանչյուր աղջիկ կազմվածքի առավելություններ եւ թերություններ ունի, այդ պատճառով ավարտական երեկոյի զգեստ ընտրելիս հարկավոր է հաշվի առնել դրանք: Ընդգծել բարեմասնություններն ու թաքցնել թերությունները. այս սկզբունքին էլ անհրաժեշտ է հետեւել ավարտական պարահանդեսի կերպար ստեղծելիս:

Հայտնի է, որ պայմանականորեն կանացի կազմվածքը բաժանվում է 4 տեսակի.

  1. «Տանձ» – նեղ ուսեր եւ լայն կոնքեր:
  2. «Խնձոր» – գոտկատեղը, ուսերը, կոնքերը գրեթե միանման են:
  3. «Ավազե ժամացույց» – նեղ գոտկատեղ, ուսերն ու կոնքերը համամասնական են:
  4. «Շրջված եռանկյուն» – լայն ուսեր եւ նեղ կոնքեր:

Եվ այսպես, եթե ձեր կազմվածքը «տանձ» տիպի է, հարկավոր է խուսափել մարմինն ամբողջությամբ գրկող իրերից, ծնկներից լայնացող ձեւից, այլ նախապատվությունը տալ հոսող, ծավալները թաքցնող գործվածքներին, գոտկատեղի իջեցված գծով զգեստների փոխարեն օգտագործել բարձր գծով ձեւերը: 

«Խնձոր»-ների համար ճիշտ ընտրություն կլինեն լայն գոտիներով կամ բավական լայն, ծավալուն կիսաշրջազգեստով հագուստները, իսկ ահա մարմինը չափազանց գրկող զգեստներից հարկավոր է խուսափել:

«Ավազե ժամացույցի» կառուցվածք ունեցող երջանիկները կարող են հագնել ցանկացած զգեստ, բայց, ամեն դեպքում, նրբագեղ գոտին կընդգծի կազմվածքի կանացիությունն ու նրբագեղությունը:

«Շրջված եռանկյուն» կազմվածքի պարագայում հարկավոր է հրաժարվել փարթամ թեւքերից եւ կլոր կտրվածքից, կատարյալը մեկ ուսակապն է: Իսկ ահա բարեկազմ եւ նեղ կոնքերը լավ կլինի շեշտադրել:

Ոճի եւ ձեւի ընտրության հարցում կողմնորոշվելուց հետո առաջ է գալիս զգեստը ձեռք բերելու հարցը: Պատրաստի զգեստ կարելի է գնել խանութում կամ պատվիրել առցանց, իսկ կարելի է, օրինակ, պատճենել որեւէ դիզայների՝ ձեզ դուր եկած մոդելը եւ կարել դերձակուհու մոտ:

Նրբություն. զգեստի գույնն ու երանգը պետք է ընդգծեն ձեր մաշկի երանգն եւ մազերի գույնը:

Ինչ ոճի ավարտական երեկոյի զգեստ էլ ընտրեք, բացի արտաքին գեղեցկությունից, այն պետք է նաեւ հարմարավետ լինի. ստիպված եք լինելու դրանով մի ամբողջ գիշեր անցկացնել: Լավ գաղափար կլինի զգեստի համար ճիշտ ընտրված բաճկոնակը, բալերոն կամ թիկնոցը: Նման իրով ծածկվելով՝ դուք լավ տեսք կունենաք նաեւ վկայագիրը ստանալու ժամանակ, իսկ արեւածագը դիմավորելիս չեք մրսի: Ի դեպ, այստեղ հնարավոր են տարբերակներ: Կարելի է տոնակատարության համար երկու զգեստ պատրաստել: Մեկը՝ դասական ոճով, պաշտոնական մասի համար: Իսկ զվարճալի ծրագրի համար օգտագործեք ավելի ազատ ոճի զգեստ եւ նույնիսկ նվազագույն երկարությամբ, որում ձեզ հարմար կլինի պարել:

Երիտասարդ աղջիկների մեծ մասն առօրյայում հագնում է ջինս եւ տաբատ, այդ պատճառով սովորում են լայն քայլքով քայլել, կանգնում եւ նստում են ազատ դիրքով, երբ ոտքերն ու ոտնաթաթերը լայն են դրված: Իսկ շրջազգեստը, հատկապես՝ երեկոյան, այլ մոտեցում է պահանջում: Ավարտական երեկոյից առաջ անպայման վարժվեք զգեստ հագնելուն, սովորեք մի քանի կանգնած եւ նստած դիրքեր, շարժվեք զգեստով, եւ հետո արդեն չեք ամաչի լուսանկարները դիտելիս:


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել