Բոտոքսի ներարկումները կարող են ոչնչացնել հարաբերությունները, քանի որ դրանք դժվարացնում են զգացմունքները ճանաչելը, ասվում է Scientific Reports ամսագրում հրապարակված նոր հետազոտության մեջ:
Գիտնականները նախկինում զգուշացրել էին, որ բոտոքսը կարող է խանգարել մարդկանց՝ ուղեղից դեմքին ուղղված արձագանքին, ինչը դժվարացնում է զգացմունքները կարդալը: Այսպիսով, պարզվում է՝ սա նաեւ կարող է վատ լուր լինել ինչպես սիրահարված զույգերի, այնպես էլ սեռական կապեր փնտրող ամուրիների համար։
«Սովորաբար, երբ մենք տեսնում ենք դեմքի արտահայտություն, մենք անգիտակցաբար ընդօրինակում ենք այն, որպեսզի կարողանանք ճանաչել»,-South West News Service-ին ասել է հետազոտության առաջատար հեղինակ, դոկտոր Ֆերնանդո Մարմոլեխո-Ռամոսը՝ Հարավային Ավստրալիայի համալսարանից: «Այսպիսով, գեղեցկության հայտնի ներարկումներից հետո դուք, գուցե, չկարողանաք զգալ այլ մարդկանց զգացմունքները այնքան ինտենսիվ կամ վառ, որքան կցանկանայիք»:
Բոտոքսն առավել հաճախ օգտագործվում է արտահայտման գծերի, աչքերի շուրջ ծալքերի, ճակատի կնճիռների նվազեցման համար, բայց այն կարող է օգտագործվել նաեւ բժշկության մեջ՝ միգրենի, պարանոցի սպազմի, քրտնարտադրության եւ գերակտիվ միզապարկի բուժման համար:
Գիտնականները հետազոտել են 33-ից 40 տարեկան 10 կանանց ուղեղը, նախքան նրանց՝ բոտոքսի ներարկումներ ստանալը, եւ դա կրկնել են երկու-երեք շաբաթ անց:
Ըստ New Scientist-ի՝ կամավորները չէին կարողանում խոժոռվել կամ ժպտալ: Ֆունկցիոնալ մագնիսական ռեզոնանսային տոմոգրաֆիայի ժամանակ գիտնականները վերլուծել են զայրացած եւ ուրախ դեմքերի լուսանկարները՝ չեզոք դեմքերի համադրությամբ:
Ներարկումներից հետո մասնակիցների ուղեղի ակտիվությունը փոխվել է երկու հատվածում։ Երբ մարդու դեմքի մկանները նմանակում են մեկ այլ մարդու դեմքի արտահայտությունը, նրանք ազդանշաններ են ուղարկում ուղեղի այդ հատվածներին: Բայց քանի որ բոտոքսը կաթվածահար է անում մկանները եւ սահմանափակում շարժումները, դեմքի մկանների եւ ուղեղի միջեւ ազդանշանը կարող է ընդհատվել: Հետեւաբար՝ ավելի քիչ կրքոտ արձագանքներ մարդկային, եւ, նույնիսկ, ռոմանտիկ կամ սեռական փոխհարաբերություններում՝ բացատրում է Մարմոլեխո-Ռամոսը:
Պարզվել է, որ բոտոքսը դանդաղեցնում է «դեմքի հետադարձ կապի հիպոթեզը», որը թույլ է տալիս մարդկանց ինտուիտիվ կերպով արտացոլել մեկ այլ մարդու դեմքի արտահայտությունը՝ նրա զգացմունքները բացահայտելու եւ զգալու համար:
Ըստ UCSF Health-ի գնահատականի՝ աշխարհում 11 միլիոն մարդ օգտագործում է բոտոքս, ինչը այն դարձնում է ամենատարածված ոչ վիրաբուժական կոսմետիկ ընթացակարգերից մեկը:
Հետևեք NEWS.am STYLE-ին Facebook-ում, Twitter-ում և Instagram-ում
20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ10:23, 18 մայիսի
Բեն Աֆլեքն ու Ջենիֆեր Լոպեսը վերամիավորվել են ամուսնալուծության մասին լուրերի ֆոնին09:00, 18 մայիսի
ՄԱՅԻՍԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:21, 17 մայիսի
Նոր սիրավե՞պ․ Անջելինա Ջոլին Բեռլինում ընթրել է «Վարպետը եւ Մարգարիտան» ֆիլմի աստղի հետ21:31, 17 մայիսի
Բիանկա Սենսորիի ընտանիքը վախենում է, որ Քանյե Ուեսթը նրան «կներքաշի» պոռնոգրաֆիայի մեջ20:05, 17 մայիսի
Չեխիայում կանցկացվեն հայ մշակույթի օրեր19:22, 17 մայիսի
«Բրիջերթոնի» աստղ Նիկոլա Քոգլանը՝ սերիալի հաջողության եւ 3-րդ եթերաշրջանի «բուռն» սեքսուալ տեսարաններից վախենալու մասին16:15, 17 մայիսի
«Հովեր» երգչախմբի առաջիկա համերգը նվիրված է Հակոբ Հակոբյանի 100-ամյակին