• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից

  Շառլ Ազնավուրի հարսը՝ Քրիստինա Ազնավուրը, Instagram-ում արխիվային լուսանկար է հրապարակել...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

• «Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան

  NEWS.am STYLE-ի «ArmenՅԱՆs» խորագրում, անդրադառնալով իր նախնիների պատմությանը, Ջաբոտյանը նշել էր․ «1915 թ-ի Հայոց ցեղասպանության ժամանակ իմ մեծ պապը ստիպված եղավ լքել Սիսն ու տեղափոխվել Բեյրութ՝ Կարանտինա...

• Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը

  B.Tauris-ը՝ Bloomsbury Publishing-ի հրատարկչությունը, հայտարարել է Հաքան Սեքինելգինի «Հայոց ցեղասպանությունը եւ Թուրքիան…

«Հայկական գինին հնագույն է եւ միեւնույն ժամանակ բոլորովին նոր»,- ասում է վարպետ գինեգործ Քրիստի Քենթերբերին, ով Լոս Անջելեսում մասնակցել է հայկական գինիներին նվիրված GiniFest-ին։ «Այսօր արտադրողները փորձարկումներ են անում եւ վերագտնում, թե ինչպես լավագույնս գինիներ պատրաստել եւ ինչպես տնկել ու մշակել խաղողի այգիները: Հնարավորություններն անսահման են»,- գրում է LA Times-ը:

Այս նոր գլուխը սկսվեց այնպիսի արտադրողներով, ինչպիսիք են Մկրտչյանների ընտանիքը «Ոսկենի գինիներ»-ից, Զորիկ Ղարիբյանը՝ «Zorah Wines»,-ից «Վան Արդի» գինու գործարանից Վարուժան Մուրադյանը եւ այլք, որոնք ընտրել են գինեգործությունը որպես ներդրում իրենց հայրենիքում եւ իրենց նախնիների հիշատակը հարգելու միջոց: Հայտնի գործընկերների օգնությամբ հայ գինեգործներն աշխատել են տեռուարի հետ՝ խաղողի ինտենսիվ համը դուրս բերելու համար։

«Հայկական տերուարը կապված է այսօր գինեգործության ամենաթեժ թեմաներից մեկի՝ հրաբխային հողերի եւ զով կլիմայական բարձր լեռնային խաղողի այգիների հետ», - ասում է վկայագրված սոմելյե Իրինա Պոնոմարենկոն: Այս պայմաններն իդեալական են Արագածոտնի, Տավուշի, Արմավիրի, Արարատի, Վայոց Ձորի, Սյունիքի եւ Արցախի Հանրապետության հայկական գինեգործական վայրերում աճեցված խաղողի համար եւ մասամբ տարբերվում են Ֆրանսիայում, Իտալիայում կամ Գերմանիայում արտադրված հին աշխարհի գինիներից։

Արենին, Ոսկեհատը եւ Սիրենին Հայաստանում աճեցվող գինեգործական խաղողի ամենատարածված տեսակներն են եւ 4000-ից 6000 տարեկան են: Դրանք օգտագործվում են գինիներ ստեղծելու համար՝ փրփրունից մինչեւ աղանդերային գինիներ: Հաստ, մուգ կլեպով Արենին հիվանդություններին դիմացկուն է եւ բավականաչափ ուժեղ, որպեսզի դիմանա դաժան ձմեռներին, ինչը թույլ է տալիս նրան արտադրել էլեգանտ, լիարժեք գինիներ: Ոսկեհատը, որը թարգմանվում է որպես «ոսկե հատապտուղ», համարվում է հայկական սորտերի թագուհին։ Ոչ այնքան դիմացկուն է հիվանդությունների նկատմամբ, որքան Արենին։ Այն արտադրում է նուրբ սպիտակ գինիներ՝ մրգերի եւ վայրի ծաղիկների բույրով: Սիրենին Արցախի Հանրապետության տեղական խաղողի տեսակ է, որը հայտնի է իր համով:

Պատմականորեն մի քանի սորտեր միասին տնկվել են նույն խաղողի այգում, խաղողի բոլոր տարբեր տեսակները հավաքվել են միաժամանակ եւ վերածվել մեկ գինու: Այսօր հայ խաղողագործներն առանձնացնում են սորտեր, որպեսզի հասկանան, թե ինչպես է խաղողի սորտերից յուրաքանչյուրը տարբեր կերպ վարվում։

«Հայկական գինին մեզ ցույց է տալիս խաղողը, որը չկա աշխարհի ոչ մի այլ վայրում, խաղող, որը յուրահատուկ հայկական է», - ասել է Քենթերբերին: «Վերցրե՛ք Արենին՝ Հայաստանի ֆիրմային կարմիր խաղողը։ Սա հնագույն խաղող է, որը հիմնականում մեկուսացված է եղել Կովկասի այս հատվածում, բացի այդ, այն աճեցվում է բարձրության վրա՝ նույնիսկ ծովի մակարդակից 4000 ֆուտ բարձրության վրա: Այս պայմանները խաղողին տալիս են համի եւ կառուցվածքի ուշագրավ ինտենսիվություն»:

Վերջերս հայ արտադրող Maran Winery-ի եւ Մոլեկուլային կենսաբանության ինստիտուտի համագործակցության արդյունքում հայտնաբերվեց մեկ այլ կորած տեղական խաղողի տեսակ՝ Արենի Բլանը։ Այս խաղողն այժմ օգտագործվում է «Maran» գինեգործարանի կողմից սպիտակ եւ նարնջագույն գինիների արտադրության համար:

Ի պատիվ հայկական գինեգործական ավանդույթների՝ ամեն տարի գինեգործները Հայաստանից մեկնում են Լոս Անջելես՝ ցուցադրելու իրենց գինիները GiniFest-ում, որը հիմնադրվել է 2018 թվականին սոմելյե եւ գինեգործ Անուշ Ղարիբյան Օ'Քոնորի եւ բարերար Ստեփան Փարթամյանի կողմից:

Այս տարի փառատոնը համախմբել է ավելի քան 50 հայ գինեգործների ամբողջ աշխարհից՝ առաջարկելով ավելի քան 200 գինիներ՝ պատրաստված տեղական հայկական սորտերից եւ հնեցված ավանդական կավե ամաններում ու կաղնե տակառներում։

GiniFest-ը հայկական գինիները ներկայացրել է ԱՄՆ ողջ տարածքում, բայց հատկապես Լոս Անջելեսի ռեստորաններին եւ լիկյորների խանութներին: Studio City-ում Rouge ռեստորանի գինու ամբողջ ցանկը նվիրված է հայկական գինիներին, դրա ցանկում ներառված են ավելի քան 20 գինեգործական գործարաններ։

«Մեր առաքելությունն ենք դարձրել բոլոր հյուրերին պատմել գինիների, խաղողի սորտերի հարուստ պատմության եւ գինեգործության հնագույն գործընթացի մասին, որը բնորոշ է միայն Հայաստանին», - նշել է Rouge-ի համասեփականատեր Քեւին Զադոյանը: «Ժամանակ առ ժամանակ հյուրը շփոթվում են, քանի որ գինիները տարբերվում են այն տեսակներից, որոնց նրանք սովոր են խմել, բայց այդ պահը սովորաբար անցողիկ է, եւ ամենից հաճախ այն տանում է դեպի երկրորդ բաժակ»:

Քանի որ հայ խոհարարների նոր սերունդը մտնում է Լոս Անջելեսի հիանալի խոհանոց, նրանցից շատերը ժամանակակից երանգ են հաղորդում իրենց հայրենիքի հսկայական խոհանոցին՝ պահպանելով հայկական գինիների ավանդույթները:

«[Գինին] աշխատում է սննդի եւ խոհանոցի հետ ձեռք ձեռքի տված»,- ասում է Ալեքս Սարգսյանը՝ Աթվաթերում գտնվող Momed ռեստորանի սեփականատերը: «Արեւելա- միջերկրածովյան համերն ու համեմունքներն այժմ օգտագործվում են խոհարարների կողմից հաստատված ռեստորաններում, այնպես որ մենք կարող ենք ակնկալել, որ այս շրջաններից գինիներն ավելի հայտնի կդառնան»:

Սոմելյե Փոլ Շերմանի կարծիքով՝ հայկական գինիների վերելքը կատարյալ ժամանակին է. «Մշակութային առումով դրանք այնքան հին աշխարհ են, որքան կարելի է տեսնել, բայց գինեգործության ավանդույթներով, որոնք ներկայումս նորաձեւ են բնական գինիների հետ, որոնք այսօր արտադրվում են», - ընդգծել է Շերմանը: «Ավելի կարեւոր է, որ գինիները պատրաստվում են տեղական յուրահատուկ խաղողից»:

Եվ քանի որ ժամանակակից գինու սպառողները տարբեր նախապատվություններ են ցուցաբերում, ինչպիսին է նարնջագույն եւ բնական գինիների նկատմամբ վերջին միտումը, հայ արտադրողները լավ դիրքերում են՝ օգուտ քաղելու համար:

«Հայաստանն արտադրում է էներգետիկ գինիներ, որոնք, այնուամենայնիվ, ունեն բնավորություն եւ տեղի իրական զգացողություն», - ասում է Wally-ի սոմելյե եւ գինիների տնօրեն Ռոբերտ Վարդանյանը: «Շատ առումներով գինին առանձնահատուկ, նույնիսկ հոգեւոր է դարձնում շշի պատմությունը. խաղողի այգին, տարին, մշակույթներն ու գինեգործներին, որոնք իրենց կյանքը, նույնիսկ սերունդները նվիրում են գեղեցիկ եւ համեղ բան ստեղծելուն»:

Հետևեք NEWS.am STYLE-ին Facebook-ում, Twitter-ում և Instagram-ում