• «Էթնո ջազ» խորագրով համերգը`նվիրված Սերգեյ Փարաջանովի 100-ամյա հոբելյանին (ֆոտո)

  Մայիսի 2-ին Արամ Խաչատրյան համերգասրահում տեղի ունեցավ «Էթնո ջազ» խորագրով համերգը․․․

• Victoria Beckham x Mango. շքեղ, ազատ եւ գեղեցիկ

  Վիկտորյա Բեքհեմի՝ Mango-ի համար ստեղծած հավաքածուն դարձավ վիրուսային, երբ դրա մասին հայտարարվեց ապրիլի սկզբին․․․

• Ամենաթանկարժեք զգեստները, որոնք աճուրդի են հանվել ռեկորդային գումարներով

  Արվեստի աշխարհում հազվագյուտ նկարներն ու քանդակները, ինչպես հայտնի է, աճուրդում միլիոններ են ձեռք բերում, եւ թվում է, թե նորաձեւության սիրահարները նույնքան լրջորեն են տրամադրված աշխարհի ամենաթանկարժեք զգեստները ձեռք բերելուն...

• Miu Miu-ն դարձել է մոլորակի ամենահայտնի ապրանքանիշը

  Miu Miu-ն 2024 թվականի առաջին եռամսյակում դարձել է մոլորակի ամենահայտնի ապրանքանիշը․․․

• Ջազի միջազգային օրը՝ Երեւանում

  Ապրիլի 30-ին՝ Ջազի միջազգային օրը՝ ժամը 16:00-22:30-ը, Գաֆէսճեան քանդակների պուրակում (Կասկադ համալիր) տեղի կունենա ջազային համերգ․․․

• Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար

  Louis Vuitton-ը բարձրացրել է իր նորագույն հավաքածուի նշաձողը՝ VIA Varsity Jacket-ի միջոցով․․․

• Երեւանյան բուրգեր-ուղեցույց. փնտրում ենք կատարյալ համը

  Վերջին տարիներին բուրգերները դարձել են Երեւանի խոհարարական մշակույթի անբաժանելի մասը՝ առաջարկելով հյութալի ու լայն տեսականի՝ համային նախասիրությունների մեծ ընտրությամբ…

• Jacquemus-ը նոր շունչ է հաղորդում ամառային հարսանիքներին

  Jacquemus-ը նոր շունչ է հաղորդում ամառային հարսանիքներին: Շատերն են, երեւի, հիշում, որ ինքը՝ Սիմոն Պորտ Ժակեմուսն անուսնացել է 2022 թվականի օգոստոսին...

Երեւանում հուլիսի 1-ին կմեկնարկի Yerevan Fashion Week-ը։ Անցկացման գլխավոր վայրը HayArt կենտրոնն է՝ Մաշտոցի պողոտա 7ա հասցեում։ Կազմակերպիչն է FDC՝ Նորաձեւության եւ դիզայնի պալատը։

Շաբաթվա օրակարգը հարուստ է։ «Մենք՝ կազմակերպիչների եւ մասնակիցների թիմը, պատրաստվում ենք ամբողջ օրը, առանց հանգստի»,- նշում է կազմակերպիչներից մեկը՝ դիզայներ Վահան Խաչատրյանը։

Առաջին երեք օրը՝ հուլիսի 1-3-ը, տեղի կունենա 22 ցուցադրություն, 2 ցուցահանդես, Fashion Scout Armenia մրցույթը եւ աֆթըրփարթի Jellyfish-ում։

Հուլիսի 4-6-ը կաշխատի Fashion Market-ը, որն անցկացվում է Кет Market-ի հետ համատեղ. ավելի քան 60 բրենդներ կներկայացնեն իրենց արտադրանքը։ Այդ նույն օրերին տեղի կունենան ֆեշըն-արդյունաբերության հայ եւ օտարերկրացի փորձագետների շնորհանդեսներ եւ պանելային սեսիաներ։ Մուտքն ազատ է բոլոր ցանկացողների համար։

Ինչո՞վ է կարեւոր Նորաձեւության շաբաթը մեր դիզայներների եւ, եթե ավելի լայն նայենք, երկրի համար։

Ինչպես նշված է մամուլի հաղորդագրությունում, հիմնական նպատակը նորաձեւության հայկական արդյունաբերությունը ներկայացնելն է եւ այն արդի չափորոշիչներին ու տեխնոլոգիաներին համակցելը։

Բայց Նորաձեւության շաբաթի հսկայական հնարավորությունները հասկանում ես՝ տեսնելով այն բարդություններն ու մարտահրավերները, որոնց ամեն օր բախվում են նրանք, ովքեր աշխատում են «Նորաձեւություն» անունն ունեցող աշխարհում։

Նորաձեւությունը ամենածավալուն, հակասական եւ բարդ արդյունաբերություններից մեկն է, եւ շատ երկար է ճանապարհը դիզայների գաղափարից մինչեւ մեր զգեստապահարանը։ Նորաձեւությունը մշակութային ժառանգության եւ ավանդական արհեստների պահպանումն է։ Maître d'art-ը եւ անվանի դիզայներների համագործակցությունը տեղի վարպետների հետ՝ դրա վառ եւ հաջողված օրինակն է։

Նորաձեւության շաբաթների ակտուալությունը վերջերս քննարկումների առարկա է դարձել բրիտանական SHOWstudio պլատֆորմում։ Մասնակիցները եկել են այն եզրահանգման, որ ներկա ծայրահեղ լարված իրավիճակում, եւ երբ ամեն ինչ վայրկյան առ վայրկյան թանկանում է, դիզայներ լինելը կրկնակի բարդ է։ 2023թ. նորաձեւությունն արդեն 90-ականների մթնոլորտը չէ, երբ սկսեց Լի ՄակՔուինը, եւ նրա մայրը բուտերբրոդներ էր սարքում թիմի համար, իսկ մոդելները դեֆիլե էին անում «հանուն ընկերության»։ Նորաձեւության աշխարհն այսօր կատաղի արագություն ունեցող եւ նույնպիսի կատաղի մրցակցություն վարող կորպորացիաների աշխարհ է։ Վատ է սա, թե լավ, բայց այսօր ստիպված ես գործել ավելի արագ, ավելի վառ եւ ավելի բարձրաձայն։ Իսկ Նորաձեւության շաբաթները շանս են տալիս։

Այս համատեքստում  հատկապես ես գնահատում կազմակերպիչների ջանքերը. նրանք YFW-ին հրավիրել են բայերների, ոճաբանների, ինֆլյուենսերների եւ համաշխարհային մամուլին՝ Vogue Italy, Elle Italy, L’Officiel Italy, Wear UK,  Marie Claire Arabia, Lemile Germany, FAULT Magazine, Fucking Young!, BURO, Madame Figaro, Jamalouki Magzine, The Blueprint Russia։ Պատկերացրեք, եթե պայմանական դիզայները ցանկանար այս մակարդակով իր մասին միայնակ հայտարարել։ Դա գրեթե անհնար է, մանավանդ եթե դիզայները սկսնակ է։

Ինչ վերաբերում է վերջիններին, ապա Fashion Scout Armenia մրցույթը շանս է «մեծատառով»։ Vogue-ը բրիտանական Fashion Scout քոնսալթինգային պլատֆորմն անվանել է «Talent Goldmine»։ Արդեն 20 տարի նրանք տաղանդներ են փնտրում ամբողջ աշխարհում եւ նրանց շանս են տալիս։ Պլատֆորմի հիմնադիր եւ կրեատիվ տնօրեն Մարտին Ռոբերտսը (Martyn Roberts) Երեւան է ժամանել՝ մասնակցելու պանելային սեսիային եւ որպեսզի գլխավորի ժյուրին։ Մրցույթի պահանջների մեջ, ի թիվս այլոց, նշված է. «Հաղթական դեֆիլեն պետք է ունենա WOW էֆեկտ»։ Թե ով մեր դիզայներներից կապահովի նման էֆեկտ եւ կդառնա հաղթող՝ կիմանանք վաղը։ Մրցանակը եռամսյա ինտերնատուրան է Ֆլորենցիայի ատելիեում, վճարվող ուղեւորություն London Fashion Week, պլատֆորմի փորձագետների մենթորություն եւ հիշատակում Fashion Scout եւ FDC Armenia մեդիա-ալիքներում։

Նորաձեւության շաբաթ FDC թիմը նախատեսում է անցկացնել ամեն տարի։ Ինչպես նշել են կազմակերպիչները, հայկական նորաձեւության արդյունաբերության դժվարությունները կարելի է եւ պետք է հաղթահարել՝ միավորվելով, համագործակցելով եւ այն միջազգային մակարդակ դուրս բերելով։

Ի՞նչ նորաձեւություն եմ ցանկանում տեսնել YFW-ում։ Կրկնեմ Սյուզի Մենկեսի խոսքերը. «Ցանկանում եմ տեսնել ուժեղ արտահայտում»։ Այսօր հաջող դիզայներն ավելին է, քան հագուստներ հորինող մարդն իր ատելիեի մենության մեջ։ Նա վիզիոներ է, որը սուր է զգում Zeitgeist-ը։

Բացի բուն ցուցադրություններից, ես կանխավայելում եմ այն պահերը, երբ կհայտնվեմ կուլիսներում։ Նորաձեւության շաբաթի բեքսթեյջը զարմանալի աշխարհ է։ Տեսնել, թե ինչպես են բազմաթիվ մարդիկ միասին աշխատում՝ դեդլայնի եւ ֆրեյմերի խիստ ճնշման ներքո եւ, միաժամանակ, պահպանում դրական տրամադրվածությունը. հուզիչ փորձ է։ Ինձ հետաքրքիր է, թե ինպես են դիզայներները հաղթահարում հուզմունքը, ինչպես է աշխատում բյութի-թիմը, մոդելների ի՞նչ կազմ կա եւ ովքե՞ր են հրավիրված։ Եվ իհարկե, հատուկ արտոնություն՝ մասնակիցների հետ միասին վայելելու էյֆորիան ցուցադրություններից հետո՝ ծափահարություններ, գրկախառնություններ եւ հույզերի փոթորիկ։ Նորաձեւության աշխարհը դժվարին աշխատանք է եւ, միաժամանակ, ուրախության տիեզերական լիցք։

Միացեք մեզ YFW-ում, հետեւեք մեր հրապարակումներին։

Նատա Բրետել

Հետևեք NEWS.am STYLE-ին Facebook-ում, Twitter-ում և Instagram-ում