• Ջենիֆեր Լոպեսը վերադարձնում է 90-ականների ոճը

  Ջենիֆեր Լոպեսը վերադարձնում է 90-ականների ոճը. երգչուհին Փարիզում ընթրիքի է գնացել շքեղ ջինսե կերպարով…

• Քիմ Քարդաշյանը բացահայտել է Met Gala-ում իր սենսացիոն տեսքի գաղտնիքները

  Քիմ Քարդաշյանին՝ 2024 թվականի Met Gala-ի իր սենսացիոն կերպարի համար, որի առանցքը կիպ կորսետն էր, պահանջվել է պարապել շնչառության վրա…

• Meta Gala 2024-ի after-party-ն. «մերկ» հանդերձանքներ եւ վայրի պարեր

  Meta Gala 2024-ից հետո տեղի ունեցած երեկույթի ժամանակ աստղերը, կարծես, թեժ ժամանակ են անցկացրել․․․

• Met Gala 2024. Ինչո՞վ են փայլել հայտնիները

  Նյու Յորքում կայացավ տարվա գլխավոր նորաձեւության երեկոն՝ Met Gala 2024-ը․․․

• Միլիարդատեր Ջեֆ Բեզոսի հարսնացուն իր դեբյուտը նշեց Met Gala-ում՝ կատարելով Աննա Վինտուրի պայմանը

  Միլիարդատեր Ջեֆ Բեզոսի հարսնացուն՝ Լորեն Սանչեսը, իր դեբյուտը կատարեց Met Gala 2024-ին․․․

• Քարդի Բ-ին ինը օգնական է անհրաժետ եղել զգեստով տեղաշարժվելու համար

  Քարդի Բ-ին ինը օգնական էր անհրաժեշտ՝ 2024 թվականի Met Gala-ում իր հսկայական զգեստով տեղաշարժվելու համար…

• Զենդայայի՝ Met Gala-ի կերպարը հակասություններ է առաջացրել համացանցում

  Զենդայայի՝ Met Gala-ի կերպարը հակասություններ է առաջացրել համացանցում: «Էյֆորիա»-ի 27-ամյա աստղը ներկայացել էր John Galliano-ի Maison Margiela զգեստով…

• Met Gala 2024. Քայլիի, Քենդելի եւ Քրիս Ջենների նրբագեղ կերպարները

  Քայլի Ջենները ընտրել է հին հոլիվուդյան ոճը…

Մերկ զգեստների թրենդը վերադարձել է, եւ 2023 թվականին մարդիկ ավելի մերկ են, քան երբեւէ։ Թափանցիկ եւ կիպ կերպարները երբեք չեն լքել նորաձեւության Օլիմպը։ Մերիլին Մոնրոյից եւ Շերից մինչեւ Ռիհաննա ու Քեյթ Մոս, աստղերը բեմ եւ կարմիր գորգ են բարձրանում խղճուկ հանդերձանքով ու ցնցում են: Բացի այդ, մեր ժամանակակիցները ոգեշնչվում են անցյալ տարիների աստղերով՝ ոչ միայն կրկնօրինակելով դետալները, այլեւ փորձելով ռետրո հանդերձանք, ինչպես Քիմ Քարդաշյանն արեց Met Gala-ում։

Քեյթ Մոս 1993թ․, Մերիլին Մոնրո 1962թ․, Շեր 1974թ․

Տարիների ընթացքում մենք տեսել ենք «մերկ» զգեստների բազում տարբերակներ, իսկ այժմ կարելի է ասել, որ դրանք ունեն իրենց նմանություններն ու տարբերությունները։ Այն, ինչ միավորում է այս հանդերձանքները, մերկությունն ու սիլուետի ընդգծումն է: Մնացած առումներով կարելի է առանձնացնել «մերկ» զգեստների մի քանի տեսակներ։

«Մերկ» զգեստների տարբերակներ

«Մերկ» զգեստ բառի դեպքում առաջին բանը, որ գալիս է մտքին, ամբողջովին (կամ գրեթե ամբողջությամբ) թափանցիկ հանդերձանքն է, որը կարելի է ստեղծել ցանկացած նյութից՝ մետաղական ցանցից մինչեւ ամենանուրբ գիպուրը: Սովորաբար ընտրում են մարմնագույն, արծաթագույն երանգները կամ սեւը։ Բայց հանդիպում են նաեւ գունավոր տարբերակները։

Այս զգեստներն իսկապես «մերկ» են, քանի որ գրեթե ոչինչ չեն թաքցնում։ Մեծ քաջություն է պետք, որպեսզի լինել Ռիհաննան 2014 թվականի հանդերձանքով կամ Մեգան Ֆոքսը՝ 2021 թվականին։ Բայց, մյուս կողմից, այս խիզախությունը կերպարին եւ այն կրողին հսկայական հաջողություն է բերում։

Մեգան Ֆոքսը 2021 թվականին, Ռիհաննան՝ 2014 թվականին, Օլիվիա Ուայլդը՝ 2022 թվականին

Արվեստի առանձին տեսակ․ «մերկ» զգեստներ, որոնք չեն փայլում, բայց գույնի եւ ամուր սիլուետի շնորհիվ մերկ մարմնի էֆեկտ են ստեղծում։ Սովորաբար դրանք համապատասխանում են իրենց տիրոջ մաշկի երանգին եւ ընդգծում նրա կազմվածքը: Վառ օրինակ է Զենդայայի կերպարը Վենետիկի կինոփառատոնում 2021 թվականին։ Սա յուրահատուկ շիկ է` մերկ լինել առանց մերկ լինելու: Կերպարը սեքսուալ դարձրեք՝ չփորձելով ցույց տալ ամբողջ աշխարհին ներքնազգեստը կամ դրա բացակայությունը։

Զենդայա 2021թ․, Բելլա Հադիդ 2016թ․, Քիմ Քարդաշյան 2022թ.

Սեւը մերկ զգեստների սիրված գույներից է։ Երանգն այս տենդենցի սեքսուալությունը հասցնում է անհավատալի սրության: Զգեստն ինքնին կարող է շատ փակ լինել, ինչպես, օրինակ, Կայա Գերբերը, բայց շնորհիվ թափանցիկ գործվածքի եւ կիպ սիլուետի ստեղծել մերկության էֆեկտ։ Այնուամենայնիվ, հանդերձանքը կարող է իսկապես շատ մերկացնել մարմինը, ինչպես Իրինա Շեյքի կերպարի դեպքում Կաննում։

Ռիտա Օրա 2015թ․, Կայա Գերբեր 2022 թ․, Իրինա Շեյք 2023թ․

Բայց ոչ միայն սեւ ու մարմնագույն երանգներով կարող են ոգեշնչվել «մերկ» զգեստների դիզայներները։ 2002 թվականին Հոլլի Բերրիի խորհրդանշական տեսքը հավերժ փառաբանեց մոդելավորող Էլի Սաաբին: Զգեստը բալագույն երանգի էր եւ մինչ օրս ներառված է Օսկարի խորհրդանշական հանդերձանքների տարբեր ցուցակներում:

Թոմ Ֆորդի 2020 թվականի Զենդայայի լուքը վառ բոսորագույն էր: Հենց Զենդայայի մարմնին համապատասխան մետաղյա կրծկալը նույնպես իրավամբ կարելի է համարել «մերկ» հանդերձանք։

Հոլլի Բերի 2002 թ. Գվինեթ Փելթրոու 2020 թվականին, Զենդայա 2020 թվականին

«Մերկ» զգեստներն առօրյա կյանքում

Իհարկե, նման հանդերձանքներն ավելի հարմար են գորգուղիների համար: Բայց նման միտումը կարելի է հարմարեցնել առօրյա կյանքին։ Դա կլինի վառ շեշտ, բայց առանց էպատաժի մեծ մասնաբաժնի։

Տարբեր ապրանքանիշեր կարող են առաջարկել զգեստներ տարբեր գնային սանդղակում, բացի այդ, դուք կարող եք գտնել հետաքրքիր տարբերակներ շքեղ բրենդների մեջ եւ մասս մարկետներում։ Եթե ​​զգեստը ձեզ չափազանց բաց է թվում, ապա այն կրելու մի քանի տարբերակ կա: Դրա տակ կարող եք կրել ֆուտլյար-զգեստ, այն կարող է հատկապես լավ տեսք ունենալ ցանցից եւ մեծ սեկվիններից կարված թափանցիկ զգեստների հետ, ինչպես լուսանկարում պատկերված Karen Millen-ի տարբերակը։ «Մերկ» զգեստը դառնում է ընդգծված վերին շերտ, իսկ զգեստը հուսալիորեն պաշտպանում է ձեզ ավելորդ շռայլությունից։

Karen Millen, Louisa Ballou, Rick Owens

Զգեստի տակ կարող եք հագնել բոդի կամ բավականին փակ ներքնազգեստ։ Ավելի լավ է ընտրել առանց ժանյակի եւ բարդ կտրվածքի տարբերակներ, որպեսզի ավելորդ տեսողական աղմուկ չստեղծվի։ Նման բարդ հանդերձանքներով պետք է տպավորություն թողնել, որ դրանք մտածված են մինչեւ ամենափոքր մանրուքը: Ներքնազգեստը կարող է հակադրվել զգեստին, բայց ավելի լավ է չեզոք երանգներ ընտրել։

Մեկ այլ տարբերակ է հագնել թափանցիկ զգեստ՝ որպես վերին շերտ կիպ հագուստի վրա, օրինակ՝ ջինսե տաբատով կամ լեգենդներով տոպ: Սա հետաքրքիր ու անսովոր շեշտ է, որը հաստատ աննկատ չի մնա։

H&M, Zara, Pull&Bear

«Մերկ» զգեստները նորաձեւության միտում են ոչ միայն Met Gala-յի կամ «Օսկար»-ի համար: Դրանք կարող են հարմարեցվել ինչպես տոնական լուքերի, այնպես էլ առօրյայի համար։ Հիմնական բանը մի փոքր քաջություն եւ երևակայություն ունենալն է՝ դրանք հաճույքով կրելու համար։

Հետևեք NEWS.am STYLE-ին Facebook-ում, Twitter-ում և Instagram-ում