Բոսնիացի հայտնի երգահան, երաժիշտ Գորան Բրեգովիչը Wedding and Funeral Orchestra-ի հետ օգոստոսի 28-ին Երեւանում հանդես կգա բացօթյա համերգով։ Երաժիշտի այցը կազմակերպում են Mezzo Production-ը եւ Hin Areni Vineyards-ը։ Բրեգովիչն արդեն երրորդ անգամ է հյուրընկալվում Հայաստանում Mezzo-ի հրավերով։
(Photo: EPA/Filip Singer)
«Մեր համագործակցությունը Բրեգովիչի հետ բավական երկար տարիների պատմություն ունի, մտերիմ ենք թե իր, թե իր պրոդյուսերի հետ, որը նաեւ Կուստուրիցայի պրոդյուսերն է։ Վերջին անգամ նրա համերգն այստեղ կազմակերպել էինք 2018 թ-ին՝ Կարեն Դեմիրճյանի անվան մարզահամերգային համալիրում։ Բրեգովիչը տեւական ժամանակ չէր եղել Հայաստանում, եւ միշտ շատ մեծ ուրախությամբ է այստեղ գալու հրավերն ընդունում, քանի որ սիրահարված է ոչ միայն Հայաստանին, այլեւ հայկական հյուրընկալությանը, խոհանցին, ավանդույթներին, մշակույթին, ինչպես մեր կողմից հրավիրված մյուս արտիստները»,-NEWS.am STYLE-ի հետ զրույցում նշեց Mezzo Production-ի պրոդյուսեր եւ Ջազի հայկական ասոցիացիայի նախագահ Կամո Մովսիսյանը։ Նա ներկայացրեց նաեւ համերգի մյուս մանրամասները։
«Համերգը կլինի բացօթյա՝ Անգլիական այգում։ Այդ օրը կլինի նաեւ գինու վաճառք, այլ հետաքրքիր միջոցառումներ։ Հանդես կգա նաեւ դուդուկահար Կամո Սեյրանյանը, կհնչեն հայկական դուդուկն ու Բրեգովիչի երաժշտությունը։ Համերգը կտեւի մոտավորապես երկու ժամ եւ կուղեկցվի բարձր տրամադրությամբ»։
Կամո Մովսիսյանի խոսքով՝ Բրեգովիչը բավական ծանոթ է թե Հայաստանին, թե հայկական մշակույթին, բայց հենց իր կողմից եղել է ցանկություն նորովի ծանոթանալու մեր երկրին։
«Բրեգովիչը տարբեր հարթակներում շատ դրական է արտահայտվել Հայաստանի եւ հայ ժողովրդի մասին, եւ մեր նպատակը նաեւ այն է, որ այսպիսի արտիստների միջոցով էլ ներկայացնենք Հայաստանը, մեր մշակույթը, երաժշտությունը, մեր գաղափարները։ Մեկը՝ մի քիչ ավել, մյուսը՝ մի քիչ պակաս, անում է այս աշխատանքը»։
Գորան Բրեգովիչի երեւանյան համերգը տեղի կունենա օգոստոսի 28-ին, ժամը՝ 19:30-ին, Անգլիական այգում։
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:35, 21 մայիսի
Կաննում կայացել է Վաչե Թովմասյանի մասնակցությամբ «Անորա» ամերիկյան ֆիլմի ցուցադրությունը23:24, 21 մայիսի
Մարտին Սկորսեզեն դստեր հետ հայտնվել է TikTok-ի հումորային տեսանյութում22:29, 21 մայիսի
Ամերիկուհին, ով պնդում է, որ ամուսնացել եւ բաժանվել է ուրվականից, այժմ որդեգրել է «դիվահար» ծաղրածուի21:04, 21 մայիսի
Wine Story. Ոչ ալկոհոլային գինիներ՝ այս տարվա թրենդը20:24, 21 մայիսի
Անահիտ Սիմոնյանի համարձակ զգեստն ու Ադելի «Easy on me» երգի cover-ը՝ երգչուհու մեկնաբանությամբ (ֆոտո/վիդեո)19:22, 21 մայիսի
«Կարիբյան ծովի ծովահենների» պրոդյուսերը ցանկանում է վերադարձնել Ջոնի Դեփին16:25, 21 մայիսի
Մադոննան հարգանքի տուրք է մատուցել իր «հավերժական մուսա» Ֆրիդա Կալոյին15:23, 21 մայիսի
Jimmy Choo-ն ներկայացրել է Մոխրոտի «բյուրեղյա կոշիկները», որոնց արժեքը 4200 եվրո է14:37, 21 մայիսի
Սքարլեթ Յոհանսոնը ցնցված է արհեստական ինտելեկտի chatbot-ից, որն իր ձայնի նմանակումն է13:50, 21 մայիսի
«Ակվամեն»-ի աստղ Ջեյսոն Մոմոան նոր սեր է գտել13:16, 21 մայիսի
Նիհարած Քրիստինա Ագիլերային կասկածում են Օզեմպիկ օգտագործելու մեջ12:10, 21 մայիսի
Yerevan Gastronomic Days. Հայաստանը՝ համաշխարհային մակարդակի գաստրոնոմիական հարթակ