Նոր Տարին մոտենում է, իսկ այդ նշանակում է, որ երիտասարդ տղամարդկանց շրջանում, հայրենական ծագման «որակյալ» ալկոհոլը չարաշահելուց հետո, հնչելու է ավանդական՝ «գնացինք հյուրանոց, շամպայն, գնչուներ, արջեր» արտահայտությունը, որը հասկանալի լեզվով նշանակում է. գնացինք աղջիկների մոտ:
Սեռական ծառայությունների արդյունաբերությունը բավական առաջ է գնացել եւ այսօր մարմնավաճառությունը փոքր-ինչ այլ տեսք ունի: Գործուղումները, շնորհանդեսները, որտեղ զվարճանալու համար պարտադիր աղջիկներ են բերում, սեքս-զբոսաշրջությունը եւ այլն, տղամարդկանց գայթակղում են ամեն քայլափոխի:
Սակայն այդպիսի ծառայություններով չափից դուրս տարվելը տղամարդկանց վրա կարող է վատ անդրադառնալ մի քանի պատճառով:
Նախ՝ ֆինանսական առումով: Եթե դուք ընտանիքի տեր եք, ապա հասկանալի է, որ աղջիկների հետ զվարճանալու համար գումար եք ծախսում ընտանեկան բյուջեից:
Պետք է ամեն ինչին իրատեսական մոտենալ. գրեթե յուրաքանչյուր կին զգում է, որ ձեզ մոտ լրացուցիչ ծախսեր են առաջացել: Առաջինը բանը, որի մասին նա կմտածի, սիրուհին է: Այդ կարող է ձեզ համար ամենածանր հետեւանքներ առաջացնել, վեճերի եւ տարաձայնությունների պատճառ դառնալ:
Եթե հաճախ եք օգտվում մարմնավաճառների ծառայություններից, նշանակում է՝ ձեզ մոտ ինչ-որ բան այն չէ եւ անհրաժեշտ է, որ ինքներդ ձեզ խոստովանեք այդ:
Տղամարդիկ սովորաբար նման ծառայությունների դիմում են երեք պատճառով. իրենց կանանց հետ սեռական տարաձայնությունների հետեւանքով, քանի որ ուզում են կնոջ նկատմամբ իշխանություն զգալ եւ պարզապես արտահայտվել խնդիրների մասին:
Գտնելով սեփական պատճառը՝ փորձեք չեզոքացնել այն: Ձեր կինն անկողնում կարող է անել այն, ինչ մարմնավաճառը, պետք է պարզապես խթանել նրան:
Կնոջ նկատմամբ իշխանության ծարավը նույնպես կարող է իրացվել ձեր զուգընկերուհու հետ: Իսկ հոգեւոր զրույցներ առաջին հերթին պետք է վարեք ձեր մտերիմ մարդու հետ:
Նյութը` infowoman.com.ua կայքի