Stella McCartney x Veuve Clicquot. երբ խաղողի թափոնները եւ խցանները վերածվում են պայուսակների եւ կոշիկների
16:23 30 նոյեմբերի, 2023Stella McCartney x Veuve Clicquot համագործակցության շնորհիվ խաղողի եւ խցանների թափոնները վերածվում են վեգանական պայուսակների եւ կոշիկների:
LVMH-ի հովանու ներքո այս երկու ապրանքանիշերն իրենց ջանքերն ուղղել են Vegea անունով հայտնի կաշվե այլընտրանքի մշակմանը:
Ստելլա Մաքքարթնին ներկայացրել է Vegea-ի վեց աքսեսուարներ, որոնք առաջին անգամ ցուցադրվել են 2023 թվականին՝ Փարիզի Նորաձեւության շաբաթվա ընթացքում: Աստղային հավաքածուն ներառում է երեք խորհրդանշական Frayme պայուսակ, Veuve Clicquot-ի համար նախատեսված շշերի պահարան եւ Elyse ֆիրմային սանդալների երկու տարբերակ:
Արտահայտելով իր ոգեւորությունը նորաձեւության տան եւ շամպայնի տան միջեւ եզակի համագործակցության վերաբերյալ՝ Ստելլա Մաքքարթնին ասել է. «Այս համագործակցությունը ներկայացնում է իմ մոտեցման կատարյալ միաձուլումը Veuve Clicquot-ի անհավանական բնական բաղադրիչների հետ՝ թափոնների օգտագործումը ցուցադրելով որպես կենդանիների կաշվի շքեղ այլընտրանք, որը հեշտությամբ կարելի է մասշտաբային դարձնել եւ փոխել արդյունաբերությունը: Դուք, իսկապես, չեք նկատի տարբերությունը»: