Բրազիլիայում «Dune 2»-ին նվիրված միջոցառման ժամանակ հանդիսատեսը Ֆլորենս Փյուի ուղղությամբ առարկա է նետել
22:35 4 դեկտեմբերի, 2023Սան Պաուլոյում կայացած CCXP միջոցառման ժամանակ Ֆլորենս Փյուի ուղղությամբ առարկա են նետել, որը հարվածել է դերասանուհու դեմքին:
Դեպքը տեղի է ունեցել այն ժամանակ, երբ նա Բրազիլիայում Comic Con միջոցառման շրջանակում իր գործընկերների՝ Թիմոտի Շալամեի, Զենդայայի, Օսթին Բաթլերի եւ ռեժիսոր Դենիս Վիլնյովի հետ միասին գովազդում էր «Dune: Part Two» ֆիլմը:
Some audience members threw items at the ‘DUNE 2’ cast whilst they were on stage at #CCXP23. pic.twitter.com/ymBkjN6YTK
— DiscussingFilm (@DiscussingFilm) December 3, 2023
Սոցիալական ցանցերում տարածված տեսանյութում երեւում է, թե ինչպես է հանդիսատեսի շարքից նետված առարկան հարվածում դերասանուհու դեմքին, մինչ վերջինը լուսանկարվում էր գործընկերների հետ։
Փյուն հանկարծակիի է եկել, սակայն պահպանել է հանգստությունը:
Վերջին շրջանում նման միջադեպեր տեղի են ունեցել մի շարք այլ աստղերի հետ։ Համերգների ժամանակ «իրեր են հարվածել» նաեւ Դրեյքին, Lil Nas X-ին եւ Հարի Սթայլսին։
Լուսանկարը՝ Mike Marsland/Wireimage