Ամանորյա նվերներ՝ ոճային, համեղ, օրիգինալ
15:55 10 դեկտեմբերի, 2023Նախաամանորյա եռուզեռը հոգնեցուցիչ է, բայց չնայած դրան՝ հաճելի շրջան է։ Բոլորը վազում են ինչ-որ տեղ, գնումներ կատարում․․․ Տոնական սեղանից բացի, իհարկե, կարեւոր են նաեւ նվերները։ Շոկոլադե սալիկների անվերջ տեսականիներն արդեն կորցրել են հետաքրքրությունը, NEWS.am STYLE-ը որոշեց օգնել ձեզ՝ համեղ, օրիգինալ եւ ամենակարեւորը ոճային նվերի ընտրության հարցում։ Ահա, թե ինչ կարողացանք գտնել հայ արտադրողներից։
Շոկոլադով պատված ելակ
Շոկոլադով պատված ելակներ՝ սառը շամպայնով։ Իդեալական եւ օրիգինալ նվեր, որը հաճելիորեն կզարմացնի ձեր ընկերներին: iELAK-ն առաջարկում է ելակի լայն տեսականի՝ շքեղ ծաղկեփնջերից մինչեւ փոքրիկ տուփեր:
Մոչի
Օրիգինալ եւ համեղ նվեր՝ Ochen Mochi-ի կողմից։ Մոչին ճապոնական բրնձե թխվածք է, որը պատրաստվում է մոչիգոմից՝ ճապոնական խոհանոցում հայտնի՝ սոսնձվող բրնձից:
Ճապոնիայում այն ավանդաբար պատրաստում են մոչիցուկի կոչվող արարողությամբ։ Մոչին ուտում են ամբողջ տարին, եւ այն, ավանդաբար, կազմում է ճապոնական ամանորյա սեղանի կարեւոր մասը։ Ձեր հայկական խնջույքին տվեք ճապոնական երանգ: Ochen Mochi-ն ունի մոչիների մեծ ընտրանի։
«Ինքդ գունավորիր»՝ թխվածքաբլիթներ
B17.am-ն առաջարկում է մեղրաբլիթով պատրաստված ամանորյա թխվածքաբլիթներ, որոնք կարող եք ներկել ինքներդ՝ իհարկե ուտելի ներկով։ Ե՛վ երեխաները, եւ՛ մեծահասակները կարող են զվարճանալ:
Նրբաճաշակ ու համեղ
Մայրաքաղաքային հայտնի՝ «Syrovarnya» ռեստորանն առաջարկում է նվերների նորաոճ տուփ։ Այն ներառում է սկամորզա պանիր, որը պատրաստվում է հենց ռեստորանում, մեկ շիշ գինի, մուրաբա եւ մոմ։ Նուրբ, նրբաճաշակ եւ ամենակարեւորը՝ համեղ: