Զարմանք։ Ֆանտազիա։ Միամտություն։ Բեկում։ Այս չորս բառերը կարող են նկարագրել Marc Jacobs-ի գարուն-ամառ 2024 հավաքածուն։ Միջոցառմամբ նշանավորել է ապրանքանիշի 40-ամյակը։ Դրան մասնակցում էին երկարամյա գործընկերներ եւ ընկերներ, այդ թվում՝ Դեբի Հարին, Սոֆյա Կոպոլան, Դակոտա Ֆենինգը, Քլոե Սեւինին եւ շատ ուրիշներ: Հավաքածուն ապացուցեց, որ Ջեյքոբսը դեռեւս նորաձեւության ինդուստրիայի բարձունքում է։
Ստեղծելով 47 կերպար՝ Ջեյքոբսը միավորել է «պարզ» հագուստի գաղափարը, որը ֆանտաստիկ եւ դյութիչ տեսք ունի, անթերի հարմարեցված մեծ չափսերով, որոնք ոգեշնչված են 60-ականների տնային տնտեսուհիների կերպարներից։
Միջոցառման ուշագրավ պահերից էին տրիկոտաժե ջեմփերները, մեծ չափսերի վանդակավոր շորտերը, շքեղ կաշվե օքսֆորդները, 60-ականներից ոգեշնչված կիսաշրջազգեստները, ազատ զգեստներն ու վերարկուները՝ համադրված կաշվե պայուսակներով եւ փափուկ կոշիկներով։
XXL չափսի կլորացված թեւերից մինչեւ չափազանցված կրծքավանդակ ու կոնքեր՝ ամեն ինչ մասշտաբային էր, բայց առավելագույն նորաձեւ շեշտադրությամբ: