FENDI-ն Միլանի Նորաձեւության շաբաթում ներկայացրել է կանացի հագուստի իր աշուն-ձմեռ 2024 հավաքածուն, որն իր մեջ ներառում է ջինսե համույթներ, կաշվե երկարաճիտ կոշիկներ եւ բազմաթիվ ոճային կերպարներ:
Այս սեզոնի հավաքածուն, հաշվի առնելով աճող «gorpcore» եւ «corpcore» միտումների տարրերը, առաջարկում է ավանդական աշխատանքային հագուստի ավելի ժամանակակից տարբերակներ: Հավաքածուն ներառում է մոխրագույնի տարբեր երանգները, ինչպես նաեւ՝ դեղինը, կապույտը եւ մուգ վարդագույնը:
Հյուսվածքային առումով FENDI FW24-ը ներկայացնում է թափանցիկ վերնաշապիկներ եւ ասեղնագործված կիսաշրջազգեստներ, կոպիտ կաշվից եւ մորթյա վերարկուներ:
Աքսեսուարները ներկայացված են քրոմապատ արծաթյա ակնոցների, կապույտ, կարմիր եւ բորդո զուգագուլպաների ու զանգվածային թեւնոցների տեսքով։