Roberto Cavalli-ի «Marbleous» հավաքածուն՝ որպես «կերպարանափոխության ձայն»
19:33 22 փետրվարի, 20242024 թվականի աշնանային հավաքածուի համար Roberto Cavalli-ն կտրուկ շեղվել է անցյալ սեզոնի՝ 70-ականների դիսկո-ջունգլիներից ոգեշնչված էսթետիկայից: Այս անգամ կրեատիվ տնօրեն Ֆաուստո Պուգլիսին ոգեշնչվել է մարմարից։
Հավաքածուն, որը կոչվում է «Marbleous», «ձայն է կերպարանափոխության. մարմարը ներկայացնում եւ ոգեշնչում է կնոջ՝ վերափոխվելու, զարգանալու եւ նորովի ներկայանալու պատրաստակամությունը»,-Instagram-ում գրել է ապրանքանիշը:
Հավաքածուի պրինտներում տեսանելի է մարմարի ազդեցությունը։ Մինչդեռ հագուստն ինքնին միավորում է մարմար քարի կարծրությունը՝ հոսող ժանյակավոր մինիներ, թափանցիկ զգեստներ եւ լայն վերնաշապիկներ:
Պուգլիսին, համեմատած նախորդ սեզոնների հետ, ընտրել է ավելի չեզոք գունապնակ՝ հավաքածուն սկսելով հիմնականում սեւ-սպիտակով, իսկ հետո ավելացնելով մուգ մանուշակագույն, կանաչ եւ դեղին գույներ: