Louis Vuitton-ը, համագործակցելով հայտնի ճարտարապետ Ֆրենկ Գերիի հետ, ներկայացրել է 935,000 դոլար արժողությամբ նոր ժամացույց
15:01 19 մարտի, 2024Louis Vuitton-ը հայտնի ճարտարապետ Ֆրենկ Գերիի հետ համատեղ ներկայացրել է Tambour Moon Flying Tourbillon Poinçon De Genève Sapphire Frank Gehry կիսաթափանցիկ ժամացույցը։
Ժամացույցը ներկայացված է 43,8 մմ լայնությամբ թափանցիկ պատյանով։ Մոդելի գեղագիտական տարրերը ոգեշնչված են Louis Vuitton-ի՝ Սեուլի գրասենյակի ճարտարապետությունից, ինչպես նաեւ Փարիզում գտնվող Fondation Louis Vuitton-ի խորհրդանշական շենքից․ երկուսն էլ նախագծվել են Գերիի կողմից։
Պատյանը, գլխիկը, թվատախտակը պատրաստված են շափյուղայից, իսկ հետեւի մասում փորագրված է Գերիի ստորագրությունը։ Ապակին, որը պաշտպանում է թվատախտակը, պատրաստվել եւ հղկվել է ձեռքով եւ ընդօրինակում է Գերիի ճարտարապետական ստեղծագործությունների տարբերվող ոճերը:
Այս ժամացույցի սիրտը LFTMM05.01-ն է՝ ձեռքով պատված մեխանիզմ, որը ամբողջությամբ մշակվել եւ հավաքվել է La Fabrique du Temps Louis Vuitton-ի կողմից, եւ վավերացված է Poinçon de Genève-ի կողմից:
Tambour Moon Flying Tourbillon Poinçon De Genève Sapphire Frank Gehry-ն, որը թողարկվել է հինգ օրինակով, վաճառվում է 935,000 դոլարով: