Ռուսական էստրադայի երգչուհի Լարիսա Դոլինան պատմել է, որ բլոգեր եւ երգչուհի Վալյա Կառնավալը (իսկական անունը՝ Վալենտինա Կարնաուխովա) որոշել է երաժշտական կրթություն ստանալ իրենց՝ աղմուկ հանած կոնֆլիկտից հետո։ Այս մասին նա հայտնել է Նատալյա Պոդոլսկայային տված հարցազրույցում, որը հասանելի է YouTube-ում, գրում է Lenta.ru-ն։
Երգչուհին նշել է, որ տիկտոկերի հետ հանդիպել է վեց ամիս անց եւ նրա մոտ դրական փոփոխություններ է նկատել։ Դոլինայի խոսքով՝ Կառնավալը բոլորովին այլ մարդ է դարձել՝ մաքուր ու ժպտերես։ Բլոգերը արտիստին խոստովանել է նաեւ կրթություն ստանալու իր ցանկությունը։
«Ես կընդունեի նրան, եթե ցանկանար: Ես կփորձեի նրան եւ ճիշտ ուղղություն ցույց կտայի: Նա դեռ ինձ չի դիմել, բայց այդ ժամանակ նրա մոտեցումն անկեղծ էր»,-ընդգծել է աստղը։
Դոլինան հավելել է, որ նախատեսում է Կառնաուխովայի հետ համատեղ երգ ձայնագրել եւ այժմ հարմար ստեղծագործություն է փնտրում։
Երգչուհու եւ բլոգերի միջեւ կոնֆլիկտը տեղի էր ունեցել 2021 թվականին հեռուստահաղորդավար եւ կատակերգու Մաքսիմ Գալկինի «Музыкалити» շոուի ժամանակ։ Դոլինան քննադատել էր Կառնավալին՝ ասելով, որ բլոգերը չի կարողանում երգել եւ երաժշտական կրթություն չունի։