Lumiere Optics ապրանքանիշի «Տեսանելի վստահություն» արշավը. ինչպե՞ս պաշտպանել ձեր աչքերը՝ մնալով ոճային
19:41 1 ապրիլի, 2024Գրագետ ընտրված ակնոցը կարող է լրացուցիչ շքեղություն հաղորդել ձեր կերպարին: Կարևոր չէ՝ կրում եք օպտիկակա՞ն, թե՞ արևային ակնոց․ այն կարող է դառնալ ձեր տեսքի կենտրոնական տարրը, որի վրա կկառուցեք ձեր ամբողջ նորաձև կերպարը և կառանձնանաք բազմությունից: Lumiere Optics ապրանքանիշի «Տեսանելի վստահություն» արշավը նպատակ ուներ բարձրացնել սպառողների իրազեկվածությունը և վստահությունը այս կարևոր աքսեսուարն ընտրելիս:
View this post on Instagram
Lumiere Optics-ի ուսումնասիրությունը պարզել է, որ հայ սպառողների շրջանում վստահության լուրջ խնդիր կա ակնոց գնելիս։ Ոմանց համար դա կապված է որոշակի նախապաշարմունքների հետ, թե ակնոցը կարող է փոխել իրենց արտաքին տեսքը դեպի վատը, կամ իրենք կդառնան ծաղրի առարկա, մյուսները չեն վստահում տեղական շուկայում ապրանքների որակին:
Այդ իսկ պատճառով Lumiere Optics-ի մասնագետները որոշեցին տեղի սպառողներին ցույց տալ, որ ակնոցը կարող է ոչ միայն լուծել տեսողության խնդիրները և պաշտպանել արևի երկար սպասված, սակայն աչքերի համար վնասակար ճառագայթներից, այլև բարձրացնել նրանց ինքնավստահությունը։
«Տեսանելի վստահություն» կարգախոսով արշավի շրջանակում յուրաքանչյուր ոք կարող էր խորհրդատվություն ստանալ ապրանքանիշի մասնագետներից, որոնք արշավի մասնակցի համար ընտրում էին նրա կերպարին և ոճին համապատասխան ակնոց: Միջոցառումն անցավ ուրախ միջավայրում. ակնոցները փորձելիս այցելուները կարող էին լուսանկարվել տեղում հանպատրաստից ստեղծված կարմիր գորգի վրա, որպեսզի զգային հոլիվուդյան հայտնիների վստահությունը:
Հետաքրքիր էր հետևել, թե ինչպես էին փոխվում արշավի մասնակիցների տրամադրությունը, արտաքին տեսքը և նույնիսկ քայլվածքը։ Եվ այս ամենը մեկ աքսեսուարի և Lumiere Optics-ի գրագետ խորհրդատուների շնորհիվ:
Իսկ եթե հաշվի առնենք այն հանգամանքը, որ Երևանի փողոցները վերջապես ողողված են արևի պայծառ լույսով, ապա ակնոցն էլ ավելի ակտուալ է։ Չէ՞ որ ուլտրամանուշակագույն ճառագայթումը կարող է վնասել աչքի արտաքին շերտի հյուսվածքները, ինչպես նաև եղջերաթաղանթն ու ոսպնյակը և հանգեցնել տեսողության լուրջ խնդիրների։
Արևոտ օրերին աչքերը պաշտպանելու համար ձեզ հարկավոր է բարձրորակ արևապաշտպան ակնոց։ Սակայն նույնքան կարևոր է, որ այն համապատասխանի նորաձևության վերջին միտումներին։ Lumiere Optics-ում դրան առաջնահերթ նշանակություն են տալիս: Այստեղ կարող եք գտնել ակնոցներ D&G, Ray-Ban, Versace, Furla, Prada և շատ այլ հայտնի ապրանքանիշերի վերջին հավաքածուներից։