Kiss ռոք խումբը 300 միլիոն դոլարով վաճառել է ապրանքանիշն ու երգերը
16:21 5 ապրիլի, 2024Kiss ռոք խումբը ավելի քան 300 միլիոն դոլարով շվեդ երաժշտական ներդրողին է վաճառել իր երգերի կատալոգը: Ստոկհոլմում գտնվող Pophouse Entertainment-ը նաեւ գնել է խմբի ապրանքանիշը, իմիջը եւ մտավոր սեփականությունը, հաղորդում է BBC-ն:
Վաճառքը նշանակում է, որ խումբը հրաժարվել է «End of the Road» համաշխարհային շրջագայության կենդանի ելույթներից:
Բոբ Դիլանը եւ Բրյուս Սփրինգսթինը, նույնպես, բազմամիլիոնանոց գումարներով՝ համապատասխանաբար 500 եւ 450 միլիոն դոլար, վաճառել են իրենց հին կատալոգները։
Pophouse-ին կտրվի ոչ միայն երաժշտական իրավունքները, այլեւ ամբողջ Kiss ապրանքանիշը, ներառյալ մտավոր սեփականության վաճառքը, ինչը շվեդական ընկերությանը թույլ կտա ապագա բովանդակություն ստեղծել արհեստական ինտելեկտի միջոցով:
Ընկերությունը, որը նախկինում համագործակցել է Kiss-ի հետ թվային ավատարների նախագծի շուրջ, նմանատիպ ձեւով նաեւ զբաղվել է Abba Voyage-ի համերգների պրոդյուսերությամբ:
Kiss-ը հիմնադրվել է 1973 թվականին վոկալիստներ Փոլ Սթենլիի եւ Ջին Սիմոնսի կողմից։ Խմբի առաջին կազմը, որի թվում էին նաեւ Էյս Ֆրեյլն ու Փիթեր Քրիսը, հայտնի դարձավ իրենց ներկված դեմքերով: