«Պատանի երաժիշտների Եվրատեսիլ»-ում Հայաստանն այս տարի կներկայացնի Հայկ Հեքեքյանը
00:15 14 ապրիլի, 2024Հայկ Հեքեքյանը կներկայացնի Հայաստանը 2024 թ-ի «Պատանի երաժիշտների Եվրատեսիլ»-ում։ Այս մասին պարզ դարձավ «Դեպի դասական Եվրատեսիլ» մրցույթի եզրափակիչ փուլի ժամանակ, որը կայացավ ապրիլի 13-ին, Արամ Խաչատրյան համերգասրահում։ Պատանի հոբոյահար Հայկը դիրիժոր Տիգրան Հեքեքյանի որդին է:
Մրցույթը կկայանա օգոստոսի 17-ին՝ Նորվեգիայում։
Առաջին ալիքը նախորդ տարվա ավարտին էր հայտարարել դասական երաժիշտ-կատարողների մրցույթ՝ Հայաստանի մասնակցին ընտրելու համար:
«Պատանի երաժիշտների Եվրատեսիլ»-ը նոր հարթակ չէ Հայաստանի համար։ Մեր երկիրն առաջին անգամ մրցույթին մասնակցել է 2012 թ-ին՝ քանոնահար Նարեկ Կազազյանի գլխավորությամբ, որը Հայաստանին բերել է երրորդ պատվավոր հորիզոնականը։