Տոկիոյի հանրային զուգարանները եզակի զբոսաշրջային գրավչություն են ճանապարհորդների համար

Բացի տաճարներ այցելելուց եւ կեռասի ծաղիկներով հիանալուց, Տոկիոյի այցելուներն այժմ կարող են ուսումնասիրել քաղաքի ավելի ժամանակակից հրաշքները՝ հասարակական զուգարանները, հայտնում է Reuters-ը։

Պենելոպա Պանչուկը ոգեշնչվել է «Օսկարի» առաջադրված «Կատարյալ օրեր» ֆիլմից, որը պատմում է քաղաքի Շիբույա թաղամասում զուգարանների մաքրուհու մասին: «ԱՄՆ-ում կամ Ֆրանսիայում, որտեղից, որ ես գալիս եմ, դուք այնտեղ չեք գնա»,-ասել է Պանչուկը,-«Այստեղ՝ Տոկիոյում, դրանք շատ մաքուր են, շատ ապահով, եւ յուրաքանչյուրն այնքան տարբեր է, որ ամեն անգամ թվում է, թե նոր հայտնագործություն ես արել»,-հավելել է նա:

Посмотреть эту публикацию в Instagram

Публикация от DJ KHALED (@djkhaled)

Վերջին տարիներին Ճապոնիայի ամենահայտնի տեխնոլոգիական արտահանումների թվում են TOTO-ի կողմից պատրաստված զուգարանները:

«Հարավային այգին» անիմացիոն կատակերգությունը վերջերս դրանց նվիրեց մի ամբողջ դրվագ, իսկ հիփ-հոփ իմպրեսարիո DJ Khaled-ն Instagram-ում հպարտացավ ռեփեր Դրեյքի կողմից ստացած չորս TOTO զուգարաններով:

The Nippon Foundation ոչ առեւտրային հիմնադրամի միջոցով 2020 թվականին գործարկված Tokyo Toilet Project-ը ներգրավել է հայտնի մարդկանց, այդ թվում՝ Պրիցկերի մրցանակի դափնեկիր ճարտարապետ Թադաո Անդոյին՝ Շիբույա տարածքում 17 հանրային զուգարանների հասանելիությունն եւ գեղագիտական կառուցումը բարելավելու նպատակով։  

Նախագիծը նախատեսված չէր զբոսաշրջային գրավչություն լինելու համար, սակայն Շիբույայի կառավարությունը հնարավորություն տեսավ ընդլայնելու տարածքի գրավչությունը այցելուների համար:

«Այցելուների համար առանձնահատուկ բանն այն է, որ նրանք կարող են այցելել Շիբույայի քիչ հայտնի հատվածները եւ վայելել ամբողջ տարածքը՝ միեւնույն ժամանակ ստուգելով զուգարանները»,-ասում է շրջանի զբոսաշրջության ասոցիացիայի մենեջեր Յումիկո Նիշին:

32,76 դոլար արժողությամբ շրջագայությունը ներառում է այցելություններ ինը առանձին զուգարաններ, այդ թվում՝ մեկը թափանցիկ պատերով, որոնք դառնում են անթափանց, երբ այցելուները մտնում են, եւ մյուսը՝ որը կառավարվում է ձայնային հրամաններով:

Տակաո Կարինոն, որը ժամանել է Ճապոնիայի արեւմտյան մեգապոլիս Օսակայից, հիացած է բրիտանացի դիզայներ Մայլս Փենինգթոնի կողմից նախագծված կառույցի լայն, թաղածածկ մուտքով:

«Ճապոնիայում նման երկրորդ բան չկա»,-ասում է 69-ամյա Կարինոն,-«Դա անսովոր է, եզակի է, իսկապես հիասքանչ է»: