Որքանո՞վ է գեղեցիկ արտաքինն ազդում սեքսի որակի վրա. Առասպելներ եւ իրականություն

Սեքսի դեպքում գեղեցկությունը հաճախ կենտրոնական տեղ է զբաղեցնում: Մարդկանց մեծամասնությունը հակված է ենթադրելու, որ որքան լավ տեսք ունենաք, այնքան ավելի շատ սեքս կառաջարկեն ձեզ եւ այնքան ավելի շատ կզբաղվեք դրանով: Բայց, արդյոք, ճի՞շտ է այն առասպելը: Dail Mail-ի փորձագետ Թրեյսի Քոքսը ուսումնասիրել է հարցը, եւ ահա, թե ինչ է նա պարզել:

Ամերիկացի սոցիալական հոգեբան Ջասթին Լեմլերը վերլուծել է գիտական ​​հետազոտությունները՝ պարզելու՝ արդյոք գրավիչ մարդիկ իրականում ավելի շատ սեքսուալ զուգընկերներ են ունենում, եւ գտել է երեք տարբեր հետազոտություններ, որոնք եկել են նույն եզրակացության, որի պատասխանն «այո»-ն է:

Գեղեցիկ մարդիկ քնում են ավելի շատ մարդկանց հետ, հավանաբար այն պատճառով, որ նրանք ավելի շատ տարբերակներ ունեն, քան մնացածը: Նրանց զուգընկերների համար սրա բացասական կողմն այն է, որ նրանք սեքսը կարող են սովորական համարել եւ ավելի քիչ երախտապարտ լինել: Եթե ​​գիտեք, որ բացի ձեր զուգընկերոջից եւս 10 հոգի կա ձեզանով հետաքրքրված, ավելի քիչ ներդրում եք դնում ձեր ընթացիկ հարաբերություններում:

Ոչ մի ապացույց չկա, որ գեղեցկությունը մեծացնում է սեռական բավարարվածությունը

Մի շարք ուսումնասիրություններ բացահայտել են ֆիզիկական գրավչության եւ սեռական բավարարվածության միջեւ կապը: Գեղեցկության եւ բավարարվածության միջեւ կապ չի հայտնաբերվել․ հաշվի են առնվել այնպիսի գործոնները, ինչպիսիք են՝ հաղորդակցությունը, հուզական կապը եւ սեռական համատեղելիությունը։

Մեկ այլ ուսումնասիրություն ցույց է տվել, որ կարեւոր գործոնն այն է, թե ինչպես ենք մենք ընկալում մեր գեղեցկությունը, այլ ոչ թե այն, թե ինչպես են մեզ տեսնում ուրիշները: Մեր գրավչության մեր սեփական ընկալումը ավելի  առանցքային է սեռական բավարարվածության համար, քան մեր իրական ֆիզիկական գեղեցկությունը:

Անկողնում համատեղելի լինելն ավելի կարեւոր է, քան սեքսուալ տեսքը

Սեքսուալ առումով այն, ինչ սիրում եք անել եւ ինչ արվում է ձեզ հետ, շատ ավելի կարեւոր դեր է խաղում, քան այն, թե որքան երջանիկ եք դուք անկողնում: Եթե ​​դուք արկածախնդիր մարդ եք, որը հակված է բաց տարածքներում սեքսի, ապա նշանակություն չունի, թե որքան գեղեցիկ է ձեր զուգընկերը, եթե նա պատրաստ է սեքսով զբաղվել միայն մթության մեջ եւ միայն անկողնում:

Մի ուսումնասիրություն ցույց է տվել, որ թեեւ արտաքին տեսքն ազդում է սկզբնական գրավչության վրա, այն նվազագույն ազդեցություն ունի երկարաժամկետ հարաբերությունների բավարարվածության կամ սեռական համատեղելիության վրա: Գեղեցկությունը կարող է համախմբել մարդկանց, բայց դա չի երաշխավորում կատարյալ սեքս:

Ցանկությունը բարձրացնում է սեռական ինքնագնահատականը

Իմանալով ձեր գրավիչ կողմերը, դուք, ամենայն հավանականությամբ, ավելի վստահ կլինեք ձեր մարմնի վրա: Եվ դա ձեզ մի մեծ քայլ առաջ է դնում մնացածից, երբ խոսքը վերաբերում է սիրելիի հետ հաճույք ստանալուն:

2012 թ-ին կատարված 57 հետազոտությունները ցույց տվեցին, որ զգալի կապ կա մարմնի պատկերի եւ սեքսի հետ կապված գրեթե բոլոր գործոնների՝ գրգռման, ցանկության, օրգազմի, սեքսի հաճախականության եւ սեռական ինքնագնահատականի միջեւ:

Վերջերս կատարված մեկ այլ ուսումնասիրություն ցույց է տվել, որ ցանկալի զգալը առաջին բանն է, որը գրգռում է կանանց: Հետազոտողները հարցում են անցկացրել 662 հետերոսեքսուալ կանանց շրջանում՝ պարզելու այն գործոնները, որոնք ստիպում են նրանց ավելի մեծ հակվածություն ունենալ իրենց զուգընկերոջ նկատմամբ: Այն փաստը, որ զուգընկերն իրենց գրավիչ եւ ցանկալի է համարում, կնոջ համար ամենակարեւոր գործոնն է:

Գեղեցիկ մարդիկ ավելի հաճախ են զգում տագնապ

Գեղեցկությամբ օժտվածները հաճախ խորապես գիտակցում են, որ իրենց ամենաակնհայտ հատկանիշը՝ արտաքին տեսքը, մի օր կվերանա: Գեղեցիկ մարդուն հաճախ հաճոյախոսություններ են անում բացառապես իր արտաքինի համար, մինչդեռ «միջին գեղեցկության» մարդկանց ավելի հաճախ են ասում, որ նրանք զվարճալի են, խելացի կամ բարի:

Մեր արտաքին տեսքի վրա ազդում են առողջությունը, քաշը, ժամանակը, փողը, ֆիթնեսը՝ մի ամբողջ շարք, որոնցից ոչ բոլորն են մեր վերահսկողության տակ: Անհատականության գծերը ժամանակի ընթացքում ավելի քիչ հավանական է, որ փոխվեն:

Նրանք ավելի քիչ են հակված սեռական ազատության

Եթե ​​ձեր գրավչությունը մեծապես կախված է ձեր արտաքինից, դուք հաճախ ավելի զուսպ եք անկողնում: Լավ սեքսը նշանակում է փակել աչքերը եւ կենտրոնանալ զգացողությունների վրա:

Եթե ​​դուք չեք ցանկանում փորձել նոր դիրք, քանի որ այն ձեզ համար իդեալական տեսք չունի, կամ վախենում եք, որ կխառնեք ձեր մազերը կամ դիմահարդարումը, ձեզնից ոչ մեկը չի զվարճանա:

Գեղեցկությունը կարող է ուշադրություն գրավել, բայց արտաքինը զարմանալիորեն փոքր դեր է խաղում սեռական երջանկության եւ բավարարվածության մեջ: