Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի
13:17 18 ապրիլի, 2024Ջեյմս Բոնդի մասին ֆիլմի թրեյլերը՝ Հենրի Քավիլի եւ Մարգո Ռոբիի մասնակցությամբ, YouTube-ում հավաքել է 2 միլիոն դիտում, սակայն պարզվել է, որ այն կեղծ է։
Ապրիլի 13-ին YouTube-ում տեղադրված ֆիլմի թրեյլերը, որը պատրաստվել է երկրպագուների կողմից եւ որտեղ ներկայացված են Քավիլի եւ Ռոբիի կերպարները, հարթակում հավաքել է ավելի քան երկու միլիոն դիտում: Այնուամենայնիվ, չնայած հայտնիների անուններին եւ տեսահոլովակին կցված ֆիլմի կադրերին, թրեյլերն ամբողջովին կեղծ է:
Տեսանյութը վերցված է YouTube-ի KH Studio ալիքից, որը ստեղծում է «կոնցեպտուալ թրեյլերներ»՝ որպես «ապագա թողարկումների ակնկալիքներ» ստեղծելու միջոց՝ աշխատելով ընթացիկ ֆիլմերի թրեյլերների հետ համատեղ։ Հեռուստաալիքը, որն ակտիվ է ավելի քան մեկ տարի, վերջին ամիսներին ստեղծել է տասնյակ կեղծ թրեյլերներ, այդ թվում՝ «Սարդ մարդու» եւ «Վերադարձ դեպի ապագա» ֆիլմերի հիման վրա:
Իրականում, ինչպես հայտնի է՝ ոչ 40-ամյա Քավիլը, ոչ էլ 33-ամյա Ռոբին ներգրավված չեն Ջեյմս Բոնդի մասին պատմող սերիալի հաջորդ մասում: