353 պարուհիների պարը նոր համաշխարհային ռեկորդ է սահմանել
15:21 18 ապրիլի, 2024Պուանտներով պարող 353 բալերինաների պարը նոր համաշխարհային ռեկորդ է սահմանել։ Պարուհիները հավաքվել էին Նյու Յորքի Plaza հյուրանոցում, որպեսզի գերազանցեին պուանտների վրա պարերի համաշխարհային ռեկորդը, հայտնում է AP-ն։
Ներկայացումը պատրաստվել էր «Ամերիկայի Գրան-պրի երիտասարդներ» կազմակերպության կողմից, որը բալետի կրթաթոշակային ծրագիր է։
Պարին մասնակցում էին կրթաթոշակին հավակնող՝ 9-ից 19 տարեկան բալետի պարողներ, ինչպես նաեւ պրոֆեսիոնալ պարողներ, ովքեր ծրագրի շրջանավարտներից են։
Չայկովսկու երաժշտության ներքո բալերինաները կանգնել են պուանտների վրա եւ մի ամբողջ րոպե կատարել պարային այն քայլը, որը կոչվում է «bourree»:
«Գինեսի» ռեկորդների գրքի դատավոր Թինա Շին արդյունքները հայտարարելիս նշել է. «353՝ սա «Գինեսի» նոր ռեկորդ է: Շնորհավորում եմ»: