Jacquemus-ը նոր շունչ է հաղորդում ամառային հարսանիքներին
20:21 19 ապրիլի, 2024Jacquemus-ը նոր շունչ է հաղորդում ամառային հարսանիքներին: Շատերն են, երեւի, հիշում, որ ինքը՝ Սիմոն Պորտ Ժակեմուսն անուսնացել է 2022 թվականի օգոստոսին՝ Ֆրանսիայի հարավում գտնվող Շարլեվալ գյուղում՝ գեղեցիկ արարողության ժամանակ: Այդ ժամանակից ի վեր բրենդի երկրպագուներին գրավում է այն, թե ինչպես է նա իր ոճը ներդնում ապրանքանիշի ԴՆԹ-ում:
Посмотреть эту публикацию в Instagram
Այժմ, ոգեշնչվելով ամառային հարսանիքներով, դիզայները թողարկել է բոլորովին նոր հավաքածու՝ «LE MARIAGE»:
Նա իր հարսանիքի տեսլականն է հաղորդել հավաքածուին՝ համատեղելով ավանդույթն ու դասականը հարսանեկան վառ արարողության հետ:
Ստեղծելով անկրկնելի հարսանեկան երեկույթ՝ գովազդային արշավը կարող է պարծենալ համարձակ, պինդ գույներով, որոնք նախատեսված են հարսնաքույրերի համար՝ վառ նարնջագույն եւ կարմիր, իսկ հարսանյաց հյուրերի համար առանձնացված են վառ կապույտը, դեղինը եւ, նույնիսկ, մուգ կանաչը:
Jacquemus-ը մարմնավորում է ժամանակակից շքեղությունը՝ այն համատեղելով արարողության ուրախության ու լրջության հետ:
Աքսեսուարները, ինչպիսիք են արեւային մեծ գլխարկները, վերադառնում են Jacquemus-ի ոճով, մինչդեռ թափանցիկ նյութերն օգտագործվում են ճաշակով եւ համակցված են հանգիստ ու զուսպ կոստյումների հետ, որոնք կարվում են պատվերով:
Յուրաքանչյուր ստեղծագործության մեջ կա կանացիության զգացում, որն ընդգծում է առիթի նրբությունը եւ Jacquemus-ի իրական շունչն է հաղորդում դրան: