Թրեւիս Բարքերը շնորհավորել է կնոջը՝ Քորթնի Քարդաշյանին, ծննդյան 45-ամյակի առթիվ, եւ Instagram-ում հրապարակել է իրենց համատեղ կյանքի լուսանկարները։ Ամենաշատ ուշադրությունը գրավել է մեկ լուսանկար, որում Քորթնին նստած է զուգարանակոնքին։
Այլ լուսանկարներում Քորթնին բիկինիով կեցվածք է ընդունել զբոսանավում, քնքշորեն գրկած է իր հինգ ամսական որդուն՝ Ռոկիին, եւ գիշերազգեստով նստած է մասնավոր ինքնաթիռում։
«Ծնունդդ շնորհավոր, իմ գեղեցկուհի, իմ երկրորդ կես եւ հավերժ լավագույն ընկեր: Ես սիրում եմ քեզ, սիրում եմ մեր համատեղ կյանքը: Շնորհակալ եմ, քանի որ դու ամենահրաշալի կինն ես, որի մասին ես կարող էի երազել: Թող մեր արկածները հարատեւ լինեն»,-գրել է Թրեւիսը։ Քորթնին մեկնաբանությունների բաժնում ավելացրել է. «Իմ երազած ամուսին. Ես սիրում եմ մեր կյանքը»։
Իհարկե, ամենամեծ աղմուկը բարձրացրել է զուգարանի լուսանկարը։ Մինչ շատ երկրպագուներ շնորհավորել են Քորթնիի ծննդյան տարեդարձը, մյուսները մեկնաբանություն են թողել լուսանկարի վերաբերյալ: «Այս ի՞նչ էր․ այդ վերջին լուսանկարը, պարզապես, այրեց աչքերս»,-գրել է մեկը: «Ամուսնու տիպիկ գրառում», «Կցանկանայի, որ իմ ամուսինն էլ կարողանար ինձ այդպես լուսանկարել», «Ահա թե ինչ տեսք ունի երջանկությունը... լիովին ազնիվ եւ առանց ամաչելու»: