Մերձարեւելյան խորհրդավոր միլիարդատերը 452 միլիոն դոլարով վաճառում է աշխարհի ամենաթանկ տունը
21:12 20 ապրիլի, 2024Մերձարեւելյան առեղծվածային միլիարդատերը 452 միլիոն դոլարով վաճառում է աշխարհի ամենաթանկ տունը։ Գրեթե կես միլիարդ դոլարով դուք կարող եք ունենալ Château d’Armainvilliers, ցնցող եւ տպավորիչ դղյակը՝ Փարիզի ծայրամասում: Այո, սա ապշեցուցիչ գումար է, բայց ի տարբերություն մեծամասնության, այս տունն ունի 100 սենյակ եւ 2500 քառակուսի մետր բնակելի տարածք, որը գտնվում է 1000 հեկտար հողատարածքի վրա եւ, նույնիսկ, սեփական լիճ:
Շքեղ տունը 19-րդ դարի վերջին պատկանում էր Ռոտշիլդների բանկային կայսրությանը: Այնուհետեւ՝ 1980-ականներին, այն ձեռք է բերել Մարոկկոյի թագավոր Հասան II-ը։ Հենց այս ժամանակ էր, որ գեղեցիկ Château d’Armainvilliers-ը բացեց սպա կենտրոն, գեղեցկության սրահ եւ վարսավիրանոց, ինչպես նաեւ՝ ամբողջովին կահավորված բժշկական եւ ատամնաբուժական կենտրոն: Մարոկկոյի արքան ավելացրեց այնպիսի նրբություններ, ինչպիսիք են մարոկկյան խճանկարները, պատի գունավոր սալիկները եւ ախոռը, որը կարող էր տեղավորել առնվազն 50 ձի:
Ամեն ինչ այսքանով չավարտվեց. 2008-ին գույքը 215 միլիոն դոլարով վաճառվեց մերձարեւելյան մի հարուստ գնորդի, ով երբեք չի օգտագործել այն, իսկ այժմ վաճառքի է հանում: Սեփականատերը Paris Match ամսագրին ասել է. «Սա ամենաթանկ դղյակն է Ֆրանսիայում եւ, հնարավոր է՝ ամբողջ աշխարհում»: Գինը հիմնավորվում է ոչ միայն բուն սեփականությամբ, այլեւ 1000 հա հողատարածքով, որն առաջարկում է բազմաթիվ հնարավորություններ։ Ներդրողը կարող էր հազարավոր բնակարաններ կառուցել այնտեղ, եթե ցանկանար»:
Այս շքեղ կացարանի վեհությունն ու շքեղությունը ընդլայնվել է երեք տարօրինակ հարկերով՝ երեք վերելակներով, հինգ սրահներով եւ 17 թեմատիկ ննջասենյակներով:
Խոհանոցի ժամանակակից սարքավորումները տպավորիչ են.
այդպիսին են նաեւ անձնակազմի համար նախատեսված տարածքները եւ զբոսայգու 36 շենքերը: Այն ճարտարապետության, պատմության, մշակույթի եւ հարստության իսկական հրաշք է: