Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել:
Հետազոտությունը, որը հրապարակվել է Economic Behavior & Organization ամսագրում, փորձել է պարզել, թե ինչպես է կնոջ արտաքինն ազդում մյուսների բարոյական վարքագծի վրա։
Թել Ավիվում հետազոտողները տղամարդկանց եւ կանանց հարցաշար են տվել կնոջ լուսանկարով՝ ասելով, թե դա հետազոտությունը ղեկավարող գիտնականի դեմքն է: Հարցաթերթիկներից կեսի վրա պատկերված էր տիպիկ գրավիչ կնոջ կերպար, իսկ մյուս կեսի վրա՝ պակաս գրավիչ կնոջ կերպար:
Արդյունքները ցույց են տվել, որ տղամարդիկ ավելի ազնիվ են վարվում, երբ կարծում են, որ շփվում են գրավիչ կնոջ հետ, մինչդեռ կանանց մոտ հակառակ օրինաչափություն է նկատվել:
Հետազոտողները գրավիչ կնոջ հանդեպ կանանց արձագանքները վերագրել են «կանացի խանդի եւ նախանձի հեռտեւանքով առաջացած բացասական հույզերին, ինչը կապված է սոցիալական համեմատության տեսության հետ»:
Տղամարդկանց պահվածքը, մյուս կողմից, կապված էր «գեղեցկության դիմաց պարգեւատրման զգացումի» հետ՝ նախկինում ապացուցված երեւույթ, որը ցույց է տվել, որ գեղեցիկ մարդիկ հաճախ ունենում են լավ բնավորություն եւ լավ կյանք։