Ասիայի ամենահարուստ մարդու՝ Մուկեշ Ամբանիի ավագ որդին՝ Ակաշը, սիրում է թանկարժեք մեքենաներ։ Նրա անձնական հավաքածուն ներառում է հազվագյուտ եւ ամենաթանկ մեքենաներից մի քանիսը:
Վերջերս նրան ֆիքսել են Մումբայի փողոցներում՝ կարմիր Ferrari SF90 Stradale-ի ղեկին՝ անվտանգության աշխատակիցների մեծ ավտոշարասյան ուղեկցությամբ:
Посмотреть эту публикацию в Instagram
Զանգվածային շարասյունը, որը բաղկացած էր առնվազն 9 անվտանգության մեքենաներից, ներառում էր մի քանի Land Rover եւ Range Rover ամենագնացներ, ինչպես նաեւ՝ Mercedes-Benz V-Class ֆուրգոն եւ Porsche Cayenne:
Ferrari SF90 Stradale-ը Ակաշ Ամբանին գնել է 2022 թվականին։ Հնդկաստանում այս սուպերքարը վաճառվում է մոտ 1 միլիոն դոլարով:
Անցյալ տարի լրատվամիջոցները գրել էին, որ Ամբանիի Ferrari-ն վթարի է ենթարկվել, ինչի հետեւանքով ավերվել էր մեքենայի ճակատային հատվածը։ Սակայն այս տեղեկատվության պաշտոնական հաստատում չեղավ։ Եթե լուրերը համապատասխանում են իրականությանը, ապա Ակաշ Ամբանին կամ ամբողջությամբ վերականգնել է միլիոն դոլար արժողությամբ սուպերքարը, կամ այն փոխարինել է բոլորովին նորով։