Ժաննա Ֆրիսկեին Գերմանիայում շտապ կերպով հոսպիտալացրել են
11:44 17 հունվարի, 2014Ճանաչված երգչուհի Ժաննա Ֆրիսկեի առողջական լուրջ խնդիրների մասին լուրը շարունակում է մնալ ռուսական ԶԼՄ-ների ուշադրության կենտրոնում:
Ըստ Paparazzi-ի, Ժաննային ինքնաթիռով արագորեն ուղարկել են Գերմանիա: Որոշ տվյալներով, երգչուհին բուժվելու է Գերմանիայի առաջատար ուռուցքաբանական հիվանդանոցներից մեկում: Բուժման ընթացքում Ֆրիսկեի հետ է լինելու նրա քաղաքացիական ամուսինը՝ Դմիտրի Շեպելյովը:
Ու թեեւ երգչուհու PR ծառայությունը հերքում է այս տեղեկությունը, իսկ հարազատները կապ չեն հաստատում ոչ ոքի հետ, Անդրեյ Մալախովը լույս է սփռել այս ամենի վրա: Նա հաստատել է, որ վերջին շրջանում Ժաննան խորհրդակցում էր գերմանացի մասնագետների հետ: Ռուսական աստղերի շրջանում զգուշորեն են քննարկում այս թեման եւ ավելի հաճախ խոսում են ուղեղի ուռուցքի ու այն մասին, որ վիրահատությամբ դրանից ազատվել այլեւս հնարավոր չէ: