Շպարը միշտ չէ, որ ցանկալի արդյունք է թողնում: Մեկ անզգույշ շարժում, եւ կարող եք դրանով ներկել հագուստը: Ամենից շատ աղջիկները բողոքում են երանգաքսուքի (տոնային կրեմ) թողած հետքից, քանի որ դրա բաղադրությունն այնպիսին է, որ դժվարացնում է հագուստից մաքրումը: Ստորեւ կներկայացնենք մի քանի խորհուրդ, թե ինչպես է պետք վերացնել երանգաքսուքի հետքը:
Եթե երանգաքսուքի հետքը սինթետիկ հագուստի վրա է, ապա այն շատ հեշտ է մաքրել: Պետք է զգեստը դնել տաք ջրի մեջ, մաքրող հեղուկ լցնել վրան եւ թողնել մի քանի ժամ:
Բնական կտորներից պատրաստված հագուստի վրայից երանգաքսուքի հետքը մաքրելու համար անհրաժեշտ է կեղտոտված հատվածի վրա մաքրող հեղուկ լցնել, թողնել 15 րոպե, այնուհետեւ լվանալ հագուստը տաք ջրով եւ օճառով այնքան, մինչեւ հետքը վերանա:
Ամուր կտորներից եւ մորթու վրայից երանգաքսուքի հետքը կարելի է վերացնել բժշկական սպիրտով: Պետք է բամբակը թաթախել սպիրտի մեջ եւ քսել կեղտոտված հատվածի վրա:
Յուղոտ երանգաքսուքի հետքը վերացնել կարելի է բենզինի օգնությամբ, նաեւ սպասք լվանալու համար նախատեսված հեղուկով:
Ինչ չափի էլ լինի հետքը կամ ինչ տեսակի` երանգաքսուքի բաղադրությունը, հիշեք, որ այն պետք է անմիջապես լվանալ, որպեսզի հնարավոր լինի պահպանել հագուստը, հակառակ դեպքում` հնարավոր է հետքն այդպես էլ չանցնի: