Լոնդոնյան «Չելսի» ֆուտբոլային ակումբի սեփականատեր, ռուսական միլիարդատեր Ռոման Աբրամովիչը պատրաստվում է մեծ շուքով նշել հրեական Զատիկը՝ Պեսախը (ապրիլի 14-ի երեկոյից մինչեւ 21-ի երեկո): Աբրամովիչն արդեն 111 լյուքս սենյակ է պատվիրել Միցպե-Ռամոն հանգստավայրի մոտակայքում գտնվող իսրայելական անապատում տեղակայված շքեղ հյուրանոցներից մեկում:
Կիրակի Աբրամովիչը սիրելիի՝ Դարյա Ժուկովայի եւ երեխաների հետ սեփական ինքնաթիռով ժամանել է Իսրայել: Իսկ օդանավակայանից հյուրանոց ընտանիքին փոխադրել է նախապես պատվիրված լիմուզինը:
Սպասվում է, որ միլիարդատերը հարազատների եւ ընկերների հետ շքեղ հյուրանոցում կիջեւանի մինչեւ հինգշաբթի: Դրա համար Ռոմանը շուրջ 450 հազար դոլար է վճարել:
Ամենամյա տոնի ժամանակ հրեաներն ավանդաբար հիշում են Եգիպտոսից հեռանալու եւ իրենց ժողովրդի 400-ամյա ստրկությունից փրկության պատմությունը:
Նշենք, որ Ռոման Աբրամովիչը հաճախ է լինում Իսրայելում: Անցյալ տարի նույնպես նա Զատիկը նշել էր այդ երկրում: Ընդհանուր առմամբ, 2013 թվականին միլիարդատերն Ավետյաց երկրում հինգ անգամ է եղել:
Աղբյուրը՝ lady.ru