Երգիչ Մհերը՝ նոր հոլովակի, հեռուստաէկրաններին չերեւալու եւ անձնական կյանքում փոփոխությունների մասին

Արա Գեւորգյանի «Ադանա» երգը՝  նվիրված  Հայոց Ցեղասպանության զոհերի հիշատակին, մոտ օրերս կհնչի նորովի։ Երգիչներ Մհերը եւ Սեւակ Ամրոյանը Եղեռնի 99-ամյակին ընդառաջ կներկայացնեն երգն իրենց կատարմամբ՝ նոր տեսահոլովակի տեսքով. այս մասին NEWS.am STYLE-ի հետ զրույցում, խոսելով ստեղծագործական կյանքում նորությունների մասին, ասաց Մհերը։

Երգչի խոսքով՝ շուտով կունենա նաեւ ձայնասկավառակի շնորհանդես եւ այլ տեսահոլովակներ։ Մհերը վերջերս է համերգներով հանդես եկել Թուրքմենստանում, ուր մեկնել էր հայկական մշակույթի օրերի շրջանակներում։

Պատասխանելով մեր հարցին, թե ինչու հաճախ չի երեւում հեռուստաէկրաններին, Մհերն ասաց, որ որոշել է դադար վերցնել եւ ավելի շատ հանրությանը նոր երգերով եւ տեսահոլովակներով ներկայանալ։

«Շատ հրավերներ եմ ստանում, բայց հրաժարվում եմ մասնակցել թոք-շոուների, անիմաստ ծրագրերի, որտեղ չկա երաժշտական հատված։ Հոգնել եմ, ուղղակի չեմ ուզում գնալ, նստել, այս կամ այն ընտանիքի խնդիրները քննարկել ու հետո իմ կարծիքը հայտնել։ Ինձ դա բացարձակ չի հետաքրքում»,-նշեց Մհերը։

Խոսելով անձնական կյանքում փոփոխությունների մասին, երգիչն ասաց, որ դեռ ընտրյալ չունի։

Զրուցեց՝ Շուշան Շատիկյանը