Փորձենք ավելի դյուրին ապրել (ֆոտո)

Մենք սիրում ենք մեր կյանքը  բարդացնել: Իհարկե՝ չենք բացառում, որ այսօր անհնար է առանց հոգսի ապրել, սակայն պետք է այդ դժվարությունները հաղթահարել եւ օրը դարձնել պայծառ ու լուսավոր:

Մարդիկ չնչին բանից անգամ սթրես են ապրում: Բայց այդպես պետք չէ, կյանքը հետաքրքիր է իր դժվարություններով հանդերձ: Շատերը, հնարավոր է, տխրեն իրենց արտաքին տեսքի համար, կամ ընկերներից մեկից վիրավորվեն եւ այլն: Սակայն, ամեն դեպքում, պետք չէ տխրել եւ սթրեսներով ապրել:

Եվ այսպես, NEWS.an STYLE-ն ընթերցողներին մի քանի խորհուրդ է տալիս.

• Մտածեք միայն Ձեր կյանքում ամենաթանկ մարդկանց մասին:
• Հիշեք, թե ինչ ձեռքբերումներ եք ունեցել եւ շարունակեք նույն ոգով շարժվել:
• Սթրեսային իրավիճակից դուրս գալու համար մտածեք միայն այն մասին, ինչը ձեզ կուրախացնի, կամ եթե շատ եք սիրում շոկոլադ, ապա համտեսեք:
• Մտածեք նոր ծրագրերի մասին եւ նպատակասլաց եղեք: «Մի նստեք թախտին եւ սպասեք բախտին», այդպիսով ինքներդ ձեզ կխաբեք: Պետք է գործել եւ առաջ շարժվել:
• Վատ հիշողությունները վանեք Ձեր գլխից: Իհարկե, բոլորիս հետ էլ ինչ-որ մի վատ բան պատահում է: Կյանքն է այդպիսին: Պարզապես միայն լավը մտածեք:
• Սիրեք եւ սիրված կլինեք: Եղեք համբերատար եւ կարեկցող: Եվ, ամենակարեւորը, լսեք ձեր ներքին ձայնին, որը գիտության մեջ անվանում են «վեցերորդ զգայարան»:
• Զբաղվեք այն ամենով, ինչը Ձեզ դուր է գալիս: Շրջապատված եղեք այն մարդկանցով, որոնց սիրում եք: 

Եվ վերջում, մի՛ մոռացեք, որ Ձեր օրը ձեր իսկ ձեռքերում է:

Պատրաստեց՝ Մ.Մ.