Հոլիվուդյան դերասաններ 30-ամյա Միլա Կունիսն ու 36-ամյա Էշթոն Քաթչերը շուտով ծնողներ կդառնան: Us Weekly-ի փոխանցմամբ, սիրահարները դուստր են ունենալու:
Զույգը պաշտոնապես դեռեւս չի հաստատել Միլայի հղիության լուրը: Նրանք, ի դեպ, դեռեւս չեն պաշտոնականացրել իրենց հարաբերությունները: Միլան կհամաձայնի ամուսնանալ միայն այն դեպքում, եթե Էշթոնը վաճառի Հոլիվուդյան բլուրներում գտնվող իր առանձնատունը: Բանն այն է, որ աղջիկը կարծում է, թե 10.8 միլիոն դոլար արժողությամբ առանձնատունն ամուրիների հանգստավայր է, որն ընդհանրապես հարմար չէ ապագա երեխայի համար:
«Մինչեւ Քաթչերը հարմար բնակարան չգտնի, որտեղ հնարավոր կլինի դաստիարակել երեխային, հարսանիք չի լինելու»,- ըստ որոշ աղբյուրների՝ հայտարարել է Միլա Կունիսը:
Քաթչերի շքեղ առանձնատունն իր մեջ ներառում է կինոթատրոն, մարզասրահ, մեծ լողավազան եւ շարժական ապակե պատ: