Ռուսական հայտնի դերասանի մոտ ինքնասպանության փորձից հետո կարող է խելապակասություն զարգանալ
13:21 18 ապրիլի, 2014Ռուսական հայտնի սկանդալային դերասան 36-ամյա Ալեքսեյ Պանինը մեկնել է Իսրայել՝ տեղի մասնագետների մոտ ամբողջական բուժզննում անցնելու նպատակով:
Ըստ Ivona-ի, նյարդային խանգարման եւ ինքնասպանության փորձից հետո Պանինը որոշել է ամբողջական հետազոտություն անցնել: Իսրայելական մասնագետները ռուսական աստղի մոտ բավական լուրջ խանգարում են ախտորոշել:
Հայտնի այցելուին բժիշկներն առանձին հիվանդասենյակ են հատկացրել: Դերասանին համալիր ախտորոշում են կատարել, որի արդյունքները բժիշկները «ոչ սփոփիչ» են որակել: Պանինի մոտ կախվածություն են հայտնաբերել, որը հետագայում կարող է խելապակասության հանգեցնել: Այլ մանրամասներ չեն հաղորդվում: