Բաց շապիկների շքերթը շարունակվում է

20:09   23 ապրիլի, 2014

Դեռ 2011 թվականին Dolce & Gabbana, Roberto Cavalli, Emilio Pucci, Prada եւ Versace դիզայներական տները գարուն-ամառ 2012 սեզոնի համար համարձակ կարճ շապիկներ ներկայացրեցին, որոնք պոդիումի վրա ցուցադրում էին մոդելների անթերի կառուցվածքը։

Այն ժամանակ այդ միտումը, որը, թվում էր, թելադրում էին հենց իտալացիները, միանշանակ չընդունվեց։ Սակայն այդ շապիկներով կարմիր գորգի վրա հայտնված հայտնիների շնարհիով դրանք դարձան ամառային սեզոնի հիմնական միտումներից։ Շուտով իտալացիներին միացան նաեւ ֆրանսիացիները, որոնց թվում էին Balenciaga-ն, Nina Ricci-ն, Chloé-ն, Givenchy-ն եւ Roland Mouret-ը։

Versace, Emilio Pucci, Dolce & Gabbana


Ինչ վերաբերում է այս սեզոնին, ապա պարահանդեսը կառավարում են Stella McCartney, Alexander McQueen, Victoria Beckham, Topshop, J.W.Anderson եւ այլ ապրանքանիշեր։

Alexander McQueen  


Հարկ է նշել, որ ավելի վաղ կարճ շապիկները կրծքալ կամ լողազգեստի վերին հատվածն էին հիշեցնում, սակայն այս տարիներին բավական փոփոխվել են։ Այժմ դրանք ավելի նման են առանց թեւերի կարճ վերնաշապիկի, բլուզի կամ սվիտերի։ Բրիտանացիները նախապատվությունը տվել են նուրբ ու թեթեւ գործվածքներին։ Նրանց կարծիքով, վրայից կարված օրգանզայից ու սատինից գրպաններն իրերին կանացիություն ու ռոմանտիկություն են հաղորդում։ Կարճ շապիկն այժմ մարզական զգեստապահարանի իր չէ, այլ իր պատվավոր տեղն է զբաղեցնում առօրյա հագուստի շարքում։

Victoria Beckham, J.W.Anderson

Կարճ շապիկների հետ հարմար են oversized տաբատներն ու ցանկացած երկարության եւ ձեւի կիսաշրջազգեստները։ Ինչ վերաբերում է կոշիկներին. այստեղ հարկ է նախապատվությունը տալ դասական բարձրակրունկ բոկոտիկներին՝ կերպարն ամբողջացնելով շղթայով կամ կաշվե բռնակով կլատչով։

Stella McCartney, Topshop

Գրիգոր Ավետիսյան



© NEWS.am STYLE