Նանուլի «Երգչուհի եմ դարձել» տեսահոլովակի Backstage-ը (ֆոտո)
14:00 1 հունիսի, 20144-ամյա Նարինեն, ով առավել հայտնի է Նանուլ անվամբ, երեխաների պաշտպանության միջազգային օրվան նվիրված ժամեր առաջ ներկայացրեց իր նոր «Երգչուհի եմ դարձել» տեսահոլովակը:
NEWS.am STYLE-ի հետ զրույցում փոքրիկ Նանուլը պատմեց իր նախասիրությունների եւ տեսահոլովակի մտահաղացման մասին:
«Ես շատ եմ սիրում երգել եւ պարել: Իմ ամենասիրած երգչուհին Լիլիթ Հովհաննիսյանն է: Ես ուզում եմ իր նման երգչուհի դառնալ: Տանը միշտ միացնում եմ իր երգերը եւ պարում եմ: Հատկապես շատ եմ սիրում Լիլիթի «Թե աղջիկ լինեի», «Թու, թու, թու» եւ «Գնչու» երգերը»,- ասաց Նանուլը՝ ավելացնելով` «Մայրիկիս ասեցի, որ ուզում եմ տսահոլովակ ունենալ, որտեղ Լիլիթի նման կերգեմ: Իսկ մայրիկս չմերժեց ցանկությունս, որի համար շատ շնորհակալ եմ: Եվ ուզում եմ ասել, որ ես շատ-շատ եմ սիրում իրեն»,- ասաց փոքրիկ Նանուլը:
Նկարահանման ողջ ընթացքում փոքրիկ Նանուլը իրեն դրսեւորում էր պրոֆեսիոնալ արտիստի նման: Նշենք, որ տեսահոլովակը նկարահանվել է երկու օրվա ընթացքում՝ առաջին մասը Երեւանում, երկրորդը՝ քաղաքից դուրս: Տեսահոլավակի ռեժիսիորը Արտյոմ Աբովյանն է, ով առաջին անգամը չէր, որ աշխատում էր փոքրիկ երեխաների հետ: Երգի երաժշտության եւ խոսքերի հեղինակը Վահրամ Պետրոսյանն է, գործիքավորումը կատարել է Էդգար Ալեքսանյանը:
Պատրաստեց՝ Մելինե Տոնոյանը