Ռեփեր PSY իր Gangnam Style երգով մեկ տարվա ընթացքում 40 միլիոն դոլար է վաստակել
12:44 17 հուլիսի, 2014Կորեացի ռեփեր PSY-ի տեսահոլովակը դեռեւս ռեկորդ է սահմանում համացանցում։ Այն արդեն դիտել է երկու միլիարդից ավել մարդ։
Ըստ վիճակագրական տվյալների՝ այս տեսահոլովակն ամեն օր 2 միլիոն դիտում է ապահովում, հայտնել է www.tele.ru-ն։
Gangnam Style-ի միջոցով Google ընկերությունը 2012թ-ին վաստակել է 8 միլիոն դոլար, իսկ ինքը՝ կատարողը, դարձել է Հարավային Կորեայի ամենաթանկ վարձատրվող երգիչը։ Տեսահոլովակի շնորհիվ ռեփերը մեկ տարվա ընթացքում 40 միլիոն դոլար է աշխատել։
Ռեյտինգի երկրորդ հորիզոնականը զբաղեցնում է Ջասթին Բիբերի Baby տեսահոլովակը, որը մինչ Gangnam Style-ի ի հայտ գալը առաջատարի դիրքում էր։ Այժմ Baby տեսահոլովակն ունի մեկ միլիարդից ավել դիտում։