Դդմիկով եւ գազարով աղցան

Ամառ՝ առողջ սնվելու ժամանակ, երբ մենք կարող ենք վայելել բանջարեղենի եւ մրգերի համն ու օգտակար հատկությունները։ Սեզոնային մթերքներով բազմաթիվ ուտեստներ կարելի է պատրաստել, բայց քանի որ կարծիք կա, որ բանջարեղենն ավելի սննդարար է ջերմային մշակման չենթարկված վիճակում, հետեւաբար ամենալավ միջոցը աղցաններ են։ Ամռան ժամանակահատվածում ամենաօգտակար եւ համեղ մթերքներից մեկը դդմիկն է, եւ հենց այս մթերքն էլ հանդիսանում է մեր առաջարկած աղցանի հիմնական բաղադրիչը. ի դեպ, աղցանը կարելի է եւ պահածոյացնել ձմռան համար, եւ միանգամից համտեսել՝ առանց ձմռան գալուն սպասելու։

Նման հիանալի աղցան պատրաստելու համար Ձեզ անհրաժեշտ են՝ հինգ կիլոգրամ դդմիկ, մեկ կիլոգրամ գազար, 2,5 ճաշի գդալ աղ, մեկ բաժակ շաքարավազ, 100 միլիլիտր քացախ, մեկ բաժակ բուսական յուղ, 500 միլիլիտր տոմատի հյութ, չորս պճեղ սխտոր, ինչպես նաեւ երկու ճաշի գդալ աղացած սեւ պղպեղ։

Լվացված դդմիկը պետք է միջին չափի խորանարդիկներով կտրատել, իսկ գազարը մաքրել եւ մեծ քերիչով անցկացնել։ Դդմիկն ու գազարը միասին պետք է լցնել մեծ կաթսայի մեջ, ավելացնել շաքարավազն ու աղը, ինչպես նաեւ բուսական յուղն ու քացախը. պետք է թողնել 30-60 րոպե։

Այնուհետեւ, բանջարեղենով լի կաթսան պետք է դնել միջին ջերմաստիճանի կրակի վրա եւ պատրաստել 10 րոպե, լցնել տոմատի հյութն ու շարունակել եփել եւս 20-25 րոպե. ընդ որում պատրաստվելուց 5 րոպե առաջ պետք է ավելացնել նաեւ սխտորն ու պղպեղը։

Ստացված աղցանը կարելի է առանց ստերիլիզացնելու լցնել տարաների մեջ եւ պահածոյացնել, կամ թողնել, որ մի փոքր սառչի եւ մատուցել։

Աղբյուրը՝ ovkuse.ru