Հայտնի երգչուհի Լանա Դել Ռեյը Complex-ին տված հարցազրույցի ժամանակ ասել է, որ երաժշտական ասպարեզի շատ ներկայացուցիչների հետ է մտերիմ եղել, բայց իր կարիերան նա ինքն է հարթել։
«Ես մոտ յոթ տարի հանդիպել եմ ձայնագրման ընկերության տնօրենի հետ։ Ես ինտիմ հարաբերություններ են ունեցել այս ասպարեզի շատ տղաների հետ, բայց նրանից ոչ մեկն ինձ չի օգնել պայմանագրեր կնքելու հարցում»,-հայտարարել է 27-ամյա երգչուհին։ Այս կերպ Լանան բացատրել է իր նոր սինգլի՝ F-ked My Way Up to the Top (թարգմանաբար «Հաջողության ճանապարհը հարթել եմ անկողնու միջոցով») իմաստը։
Հիշեցնենք, որ վերջերս Լանա Դել Ռեյը բաժանվել է իր ընկերոջից՝ երաժիշտ Բարի Ջեյմս Օ՚Նիլից. զույգը սկսել էր հանդիպել 2011թ-ից։
Լանան իրեն է մեղադրում իրենց չստացված հարաբերությունների համար։
«Անկասկած, մեր չստացված սիրավեպի միակ մեղավորը դեպրեսիան ու անվստահությունն էր։ Մեր հարաբերությունները անհնար էր շարունակել, քանի որ ես շատ զգացմունքային եւ անկայուն անձնավորություն եմ»,- հայտարարել է Լանան։