Էլիզաբեթ II-ի լուսանկարը «ցնցել է» համացանցը
14:39 25 հուլիսի, 2014Երկու հոկեյիստ աղջիկների եւ թագուհու լուսանկարը համացանցի հիթ է դարձել։
Դժվար թե հոկեյիստ աղջիկների այս սելֆին (ինքնանկարը) այդքան լայն տարածում գտներ, եթե հետին պլանում չլիներ թագուհի Էլիզաբեթ II-ը, հայտնել է BBC-ին։
Թագուհին կանգնած է հոկեյիստ աղջիկների լուսանկարի ետին պլանում։ Պարզվել է. որ դեպքը տեղի է ունեցել Գլազգոյում, Շոտլանդիա, Ավստրալիա –Մալայզիա(4-0) հոկեյի խաղի ժամանակ։ Ավստրալիացի հոկեյիստները որոշել են լուսանկարվել ցանցի մոտ։ Կարելի է ենթադրել, որ նրանք ցնցել են, երբ տեսել են, որ իրենց լուսանկարում հայտնվել է հենց ինքը՝ թագուհին։
Աղջիկներից մեկը լուսանկարը տեղադրել է Instagram եւ գրել. «Աաաաաա, թագուհին պայթեցրել է մեր լուսանկարը»։ Ոչ միայն լուսանկարը, այլեւ ողջ համացանցը։
Աղջիկները նշել են, որ լուսանկարվելուց հետո թագուհին եկել, գրկել եւ խոսել է նրանց հետ. «Նա հարցրեց, թե արդյոք մեզ դուր է գալիս դաշտը եւ պատմել է իր անցկացրած ժամանակի մասին։ Նա հիանալի տեսք ուներ, իսկապես հիանալի»,- հայտնել են աղջիկները։