«Նոր ալիք-2014». Ալլա Պուգաչովան բարձր ճնշման պատճառով չի կարողացել կենդանի հնչողությամբ երգել

Երկու օր առաջ Յուրմալայում կայացավ Ալլա Պւոգաչովայի ստեղծագործական երեկոն։

Բոլոր հայտնի աստղերը մեկական երգ են կատարել Ալլա Պուգաչովայի երգացանկից։ Ինքը՝ Պրիմադոննան, նույնպես «Ձինտարի» համերգասրահում երգել է իր ստեղծագործություններից մի քանիսը։

Ինչպես հայտնել է Super-ը՝ Յուրմալայում շոգ եւ խոնավ կլիմայի պատճառով 65-ամյա երգչուհու արյան ճնշումը բարձրացել է, ինչի մասին նկարահանման հրապարակ գալու ժամանակ նա անձամբ ասել է. «Ճնշումս բարձր է, կներեք»,- անկեղծորեն հայտարարել է Ալլա Բորիսովնան։ Համերգի ժամանակ հայտնի աստղը մի քանի  երգ է կատարել։ «Миллион алых роз», «Любовь, похожая на сон», «Я тебя никому не отдам» երգերը Պրիմադոննան կենդանի հնչողությամբ չի երգել, քանի որ իրեն վատ է զգացել։