Թիմաթին եւ Վերա Բրեժնեւան՝ տաքսու մեջ
13:03 31 հուլիսի, 2014Հայտնի ռեփեր Թիմաթին զբաղված է իր նոր «Понты» երգի տեսահոլովակի նկարահանման աշխատանքներով։ Ռեփերն իր միկրոբլոգում նոր տեսահոլովակից մի հատված է հրապարակել, որտեղ նա տաքսու վարորդի, իսկ Վերան ուղեւորի դերում են։
Այս զվարճալի հոլովակը նա մեկնաբանել է այսպես. «Ուերա Բրեժնեւային եմ տանում, ախպեր»։ Իր նոր տեսահոլովակում նա մարմնավորելու է կովկասյան ծագում ունեցող տաքսու վարորդի, իսկ Բրեժնեւան՝ մոսկվայաբնակ մոդելի։ Հատուկ տեսահոլովակի համար Թիմաթին մի լավ աշխատել է իր կերպարի վրա. հագել է կարմիր սպորտային համազգեստ, ռեզինե հողաթափեր եւ սեւ գլխարկ։ Իսկ նրա տեսքն ավելի են ամբողջացնում նրա «ոսկե» ատամները։