Ռոբին Ուիլյամս. «Երբ ես մահանամ, պարեք իմ գերեզմանի մոտ»
14:01 12 օգոստոսի, 2014Ինչպես արդեն տեղեկացրել ենք՝ հայտնի կոմիկ Ռոբին Ուիլյամսն ինքնասպանություն է գործել օգոստոսի 12-ի գիշերը։ Նրա մարմինը գտել են Կալիֆոռնիա նահանգի Տիբուրոն քաղաքում գտնվող իր տանը։ Ներկայացնում ենք հայտնի դերասանի՝ թեւավոր դարձած խոսքերը։
«Ձեզ ընդամենը մի քիչ խենթություն է տրված, եւ դուք պետք է կորցնեք այն»։
«Եթե իշխանությունները մտահոգվեին յուրաքանչյուր հումորի համար, ապա մարդիկ կդադարեին կատակել»։
«Կոմեդիան մարդկանց հետ արագ շփման միջոց է»։
«Ես կարծում եմ, որ երկրորդական դերերը ոչ պակաս կարեւոր են, քան գլխավորները»։
«Երբեք ոչնչից մի վախեցեք. վատագույն դեպքում թող վախը Ձեզ ներշնչանք լինի»։
«Շատ դժվար է խոստովանել, որ դու օգնության կարիք ունես, բայց երբ դա անում ես, բավականին թեթեւանում ես»։
«Երբ ես մահանամ, պարեք իմ գերեզմանի մոտ, ծաղիկները ջրեք նրանով, ինչ Դուք խմում եք։ Արեք այն, ինչ ուզում եք, բայց միայն ինձ չկլոնավորեք, քանի որ նույնիսկ իմ կլոնը չի լինի այնպիսին, ինչպիսին ես եմ»։
«Աստված տղամարդուն ուղեղ եւ առնանդամ է պարգեւել, բայց ավաղ, երբ դրանցից միայն մեկն է աշխատում, երկրորդի արյան մատակարարումը չի բավարարում։
«Կոկաինը նախազգուշացում է Աստծո կողմից առ այն, որ դու շատ փող ես աշխատում»։
«Եթե կանայք կառավարեին աշխարհը, ապա պատերազմներ չէին լինի, այլ ինտեսիվ քննարկումներ ամեն 28 օրը մեկ»։
«Կներեք, եթե Դուք իրավացի եք, ապա ես կհամաձայնեմ Ձեզ հետ»։