Մրայա Քերին ամուսնալուծվում է
11:02 21 օգոստոսի, 201444-ամյա երգչուհի Մրայա Քերին եւ Նիք Քեննոնը շուտով բաժանվելու են վեցը տարի ամուսնացած լինելուց հետո։ Ընտանեկան մի շարք վիճաբանություններից հետո Նիքը հեռացել է տանից, եւ այժմ ապրում է հյուրանոցում։
Զույգն այժմ առանձին է ապրում։ Չորս տարի առաջ երգչուհին իր ամուսնու համար թիկնապահներ էր վարձել, ովքեր պետք է հետեւեին ամուսնուն, որպեսզի նա ուրիշ կանանց հետ չհանդիպեր։
Ընտանիքին մոտ կանգնած աղբյուրը հայտնել է հետեւյալը.
«Նիքը հեռացել է տանից եւ հիմա հյուրանոցում է ապրում։ Զույգը հաճախ էր վիճում»։
Ըստ մեկ այլ աղբյուրի՝ Քերին կասկածում է, որ ամուսինը դավաճանել է իրեն, տարվա սկզբին Լաս Վեգասում կազմակերպված երեկույթի ժամանակ։
«Թիկնապահները պետք է ոչ թե աղջիկներին հեռու պահեն Նիքից, այլ Նիքին՝ աղջիկներից»։
Բացի այդ Մրայան դեմ է եղել, որ երեկույթի ժամանակ ամուսինը ալկոհոլային խմիչքներ ըմպի, քանի որ ալկոհոլի ազդեցության տակ նա «փորձանքի մեջ է հայտնվում»։
Հիշեցնենք, որ Մրայան ու Նիքն ամուսնացել են 2008թ-ին, ինչը զարմացրել էր բոլորին, քանի որ նրանց միջեւ 12 տարվա տարիքային տարբերություն կա։
Աղբյուրը՝ Pagesix